Page Text
________________
१३६
हितोपदेशः । गाथा-१३४ - सुपात्रदाने बाहुमुनिचरितम् ।।
॥ सुपात्रदाने बाहुमुनिचरितम् ।। अत्थित्थ जंबुदीवे पसत्थवत्थुप्पयासणपइवे । पुलविदेहे खित्ते निरंतरं जिणपयपवित्ते ।।१।। विजयंमि पुक्खलावइनामे पुंडरिगिणि त्ति वरनयरी । अमराउरि व्व महिवलयदसणत्थं समोइना ।।२।। तत्थ सुरासुरखेयर - नरवरमउडग्गमसिणियकमग्गो । धम्मवरचक्कवट्टी राया सिरिवइरसेणु त्ति ।।३।। कह तंमि महीनाहे बाहिररिउणो लहंतु अवयासं । जं तप्पभावपहया अंतररिउणो वि न कमंति ।।४।। भोगफलकम्मवसओ विउले माणुस्सए महाभोगे । आसत्तिविरहियस्स वि परिभुजंतस्स तस्स तया ।।५।। चविऊण देवलोगा धारिणीदेवीइ कुच्छिकमलंमि । उप्पन्ना तस्स इमे कमेण तणया भुवणगुरुणो ।।६।। चउदस सुमिणुट्ठिो चक्कहरो तत्थ नंदणो जिट्ठो । नामेण वजनाहो लोउत्तरगुणगणअगाहो ।।७।। अपरो बाहुकुमारो चंदुज्जलचरियकयचमक्कारो । अन्ने तिन्नि सुबाहू पीढो य तहा महापीढो ।।८।। पडिपुत्रपुत्रपब्भार - सारपरमाणुपिंडघडिय व्व । अहिदेवय व्व पंच वि ते पंचुत्तरविमाणाणं ।।९।। वोलीणबालभावा कमेण ते विउलबुद्धिपोएण । सत्थत्थमहोअहिणो अचिरेण वि पारमणुपत्ता ।।१०।। धाराकमेण तुरए वाहित्ता विउलवाहयालीए । रेवंतु ब्व विरायंति ते कुमारा कुमारत्ते ।।११।। पत्ता परं पयरिसं निजुद्धजुद्धेसु तह इमे भुवणे । जह तनिउणजणेहिं ते चेव गुरु त्ति पडिवत्रा ।।१२।। जिटुकणि?विभागं परप्परं ते जहा न लंघंति । एवं पुरिसत्थेसु वि नयपोरिसपसरियपयावा ।।१३।। लक्खिजइ तारुन्नं लायन्नतरंगिएसु अंगेसु । इंदियदमणेण मणे वयपरिणामो परं तेसिं ।।१४।। तह तेहिं कित्तिलइया दाणजलेणं विवड्डिया दूरं । बंभंडमंडवो जह लहु सच्छाओ कओ तीए ।।१५।। इत्तो य वइरसेणो अरहा लोयंतिएहिं तियसेहिं । विनत्तो समयविऊहि नाह ! तित्थं पवत्तेसु ।।१६।। अभिणंदिऊण वयणं तेसिं भयवं पि भुवणकारुणिओ । संवच्छरियं दाणं अनियाणं तो पयट्टेइ ।।१७।। निव्वाविऊण सुइरं लोयं लोउत्तमेण दाणेण । सिरिवइरनाहतणयं चक्कहरं ठाविउं रज्जे ।।१८।। दाऊण य विसयाई बाहुप्पभिईण सेसतणयाणं । पडिवन्नो पवजं सुरअसुरनरेहि थुव्वंतो ।।१९।। तप्पभिई चिय भयवं भंजेउं भावसत्तुभडवायं । वगंतखंतिखग्गो तवतुरयगओ लहु पयट्टो ।।२०।। बाहुप्पमुहा वि हु जिट्ठभायरं वजनाहनरनाहं । पियरं व परिचरंता सुहेण चिटुंति समचित्ता ।।२१।। कालेण य झाणानल - पलित्तघणघाइकम्मवणगहणो । सिरिवइरसेणसामी पत्तो वरकेवलालोयं ।।२२।। सुररइयपडिहारो मिच्छत्ततमंधयारसहसयरो । भव्वजणबोहणत्थं विहरइ वसुहाइ हयमोहो ।।२३।। उप्पनचक्करयणो तइय छिय वजनाहचक्की वि । सह बाहुप्पभिईहिं सहोयरेहिं कुमारेहिं ।।२४।। भयपणयपणइसामंत - मित्तसंछन्ननहयलाभोगो । निखिलं पि पुक्खलावइ - विजयं लीलाइ साहेइ ।।२५।। चक्वित्तणाहिसेए अह जाए वजनाहचक्किस्स । बाहुप्पमुहा नियए रज्जे संठाविउं पुत्ते ।।२६।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |