Page Text
________________
हितोपदेशः । गाथा-६६ - जीवदयाविषये नरकेसरिनरपतिकथानकम् ।।
गंतं तहाविहाणं थेराणं अंतिए विणिक्खंतो । अब्भसियदुविहसिक्खो मुक्खत्थी तवइ तिब्बतवं ।।१७१।। नरकेसरी विराया अप्पडिहयसासणो कुणइ रज्जं । जुगविगमसमयदुस्सह- सहस्सकरखरतरपयावो ।।१७२।। देवी वि चंदलेहा ओहामियमयणतरुणितणुसोहा । नरकेसरिणा सद्धिं भुंजइ विउले महाभोए ।।१७३।। पुत्तीओ पवरमणी पुब्बिं कुलपुत्तयाउ जो पत्तो । सो तीइ मोलिमउडग्गमंडणं राइणा विहिओ ।।१७४।। देवीविइन्नसव्वंगसंगिआहरणकिरणजालेहि । उज्जोयन्ती दस दिसिमुहाई विलसइ जहिच्छं सा ।।१७५।। राया वि कयाइ कुसत्थलंमि कइयाइ रयणउरनयरे । विलसइ आरणअश्यकप्पेसुं अनुयइंदु ब्व ।।१७६।। कालक्कमेण पडिपुत्रपुत्रपरमाणुसारघडिय व्व । संजाया से तणया दुन्हं पि हु अग्गमहिसीणं ।।१७७।। नरविक्कम त्ति नरसुंदरीइ विस्सुयपरक्कमुक्तरिसो । देवीइ चंदलेहाइ तह य हरिविक्कमकुमारो ।।१७८ ।। अहिगयकलाकलावा समत्थसत्थत्थसत्थपारगया । गयतुरयदमणनिउणा राहावेहेऽहिगयरेहा ।।१७९।। सव्वाउहोहविबुहा निजुद्धजुद्धेसु दुद्धरा धणियं । जोग त्ति कलिय दो वि हु जुवरायाणो कया रना ।।१८०।। इत्तो य माणुसुत्तरगिरिपरिखित्तंमि माणुसे लोए । पंचिंदियसन्नीणं मणोगयत्थे मुणेमाणो ।।१८१।। गामागरनगरगयाण भव्वजन्तूण चिरपरूढाइं । वयणोसहीहि संसयसल्लाई उद्धरेमाणो ।।१८२।। वरचरणकरणरयणोहभरियसीलंगतुंगरहवहणे । धरिउद्धरखंधेहिं मुणिवरवसभेहिं परियरिओ ।।१८३।। विहरंतो संपत्तो कुसत्थलपुरस्स बाहिरुज्जाणे । रिउमद्दणमुणिनाहो चउनाणमहोयही भयवं ।।१८४।।
कलापकम् ।। तस्सागमणे आकंठपीयपीऊसरसपवाहु व । सव्वंगनिव्वुइकर हरिसं नरकेसरी पत्तो ।।१८५।। अह सह जुवराईहिं दोहि वि दोहिं पि अग्गमहिसीहिं । सामन्तमन्तिमंडलियसिद्विसत्थाहपमुहेहिं ।।१८६।। पासट्ठियरणधवलो चलिओ तप्पायपणमणनिमित्तं । चउरंगचमूभरभग्ग - भोगिपुंगवफणाभोगो ।।१८७।। तत्तो मुणिंददसण - चियत्तछत्ताइरायककुहोहो । आणंदबाहजललुलिय - लोयणो पुलइयसरीरो ।।१८८।। दाउंपयाहिणातिय-मलीयतलमिलियकरकमलकोसो ।पंचंगचुंबियधरोउवविसइसपरियणोनमिउं ।।१८९।। अह सजलजलहरारावगहिरघोसाइ संसयहराए । सवणसुहाइ गिराए पारद्धा देसणा गुरुणा ।।१९०।। हंहो महाणुभावा ! जीवो सकडेहिं कम्मनिगडेहिं । अप्पाणमप्पण चिय बंधइ लूय व्व लालाहिं ।।१९१।। तेहि य दुप्पुत्तेहिं व सयं समुप्पाइएहिं पावेहिं । किर कत्थ कत्थ वुत्थो दुत्थमवत्थं न पाउणिओ ।।१९२।। तहाहि - घोरंधारे नरयकुहरे छिंदणुभिंदणाई, नासावेहंकणगुरुभरारोहणाई तिरित्ते । अत्थब्भंसो परिभवभया रोगसोगा नरत्ते; ईसारोसा चवणवियणा पेसभावा सुरत्ते ।।१९३।। इय गईसु चउस्सु वि दुस्सहं, दुहमणंतमणंतभवुब्भवं ।। अहिसहति जमित्थ सरीरिणो; विलसियं खलु कम्मरिऊण तं ।।१९४ ।। 4. ओहामिय दे० अभिभूत, तिरस्कृत इति भाषायाम् ।।
- पा. स. म. पृ. २०६ ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |