Page Text
________________
७६
हितोपदेशः । गाथा-६६ - जीवदयाविषये नरकेसरिनरपतिकथानकम् ।।
अंगीकओ य उत्तरसाहगभावो मए जमेयस्स । तं निव्वाहमपाउणिय सञ्चसंधो कहं होमि ।।८७।। तागिन्हमिणंपडिवक्खलक्खविक्खेवदक्खमक्खेवा ।ओसहिवलयंअविवासवोविजहतंनपरिहवइ ।।८।। एयंच कुसत्थलपत्थिवस्स दिजासि सिद्धनियकजो । इय भणिय भूमिवइणा विसज्जिओ सहरिसं एसो ।।८९।। अह तंमि गयंमि खणंतरंमि पुरहूयपरिचियदिसाए । बंभंडभंडभंजणपवणो जाओ महानाओ ।।१०।। तस्सायन्नणखणसावहाणहिययंमि मेइणीनाहे । पयडियसयलदियंतं फुरंतमणिकिरणजालेहिं ।।११।। कणकणिरकिंकिणीरव - पुणरुत्तपउत्ततालसंगीयं । दिव्वविमाणं अवयरइ समिरुद्धयधयवडाडोवं ।।१२।। अह ताओ विमाणाओ देहपहापहसियाहरणकन्ती । तवणिजपुंजपिंजरछाया मायामइ व्व सिरी ।।१३।। वग्गंतखग्गखेडय - कुलिसंकुसकलियकरयलचउक्का । अवयरइ वियसियमुही देवी विजुप्पभा नाम ।।१४।। गयणगय झिय पभणइ हो वसुहासहोयर ! सुणेसु । एयस्स अहं न हु मंतवाइणो मंतमाहप्पा ।।१५।। इत्थागय म्हि किं पुण पणिहाणबला समस्सियं तुमए । एयं नाउं तुह पुव्वपुत्रपब्भारहियहियया ।।९।। एसो य पुरा मह निश्चभेसणामित्तचत्तसत्तेहिं । परिहरिओ उत्तरसाहगेहिं बहुसो हयासेहिं ।।१७।। अरिहइ पसायमहुणा अहिट्ठिओ पुन्नरासिणा तुमए । मह वरदाणेण इमस्स होउ तुह दंसणं सहलम् ।।१८।। तुह तेयतवियतणुणो मुणिणो इव मोणमस्सिया पिक्ख । मह भिशा तुह भेसणसमुजया लजिरा पुरओ ।।१९।। इय भणिय नियविमाणे कुवलयदलदीहराइं नयणाई । वावारिंती देवी दरहसिरी सहरिसं भणइ ।।१०।। ए एहि चंदलेहे ! वच्छे ! पसयच्छि ! अच्छिविच्छोहं । विक्खिवसु हिययनाहे तणुसोहामहियरइनाहे ।।१०१।। इय तीइ सिद्धवयणाइ वयणओ ताउ वरविमाणाओ । नयणाण अमयवुट्ठि व्व कनगा झत्ति ओइन्ना ।।१०२।। अह तं काऊण करे देवी नरदेवमेवमालवइ । एसा मए नराहिव ! कोसलवइधवलगेहस्स ।।१०३।। हा पाणनाह ! हा गुणअगाह ! हा हिययदइय ! हा सुहय ! । हा सुप्पसत्थलक्खण ! हा भुवणविलक्खणायार ! ।।१०४।। सुविसुद्धोभयपक्खा तुह माणसवासलालसा चलिया । अहमेएण मरालि व्वदुट्ठरिटेण अवहरिया ।।१०५।। सव्वत्थ वहसि नरकेसरि त्ति अत्यत्रियं नियं नामं । जइ ता किं नरफेरुं दुदंतं दमसि नो नाह ! ।।१०६।। इयाइ विलवमाणी चंदमुही तस्स चंदसालाए । दिट्ठा तुह विरहकरालिय त्ति इत्थेव आणीया ।।१०७।। ता होउ इमा मह तुज्झ पढमदंसणउवायणं बाला । अणुगिन्हामि य एवं समत्तजावं महाभायं ।।१०८।। अह करकमलं कुलपुत्तयस्स सीसंमि संठवेमाणी । पभणेइ पुत्त ! उट्ठसु जाया तुह सुप्पसन्ना हं ।।१०९।। सिज्झंतु सयलकामा हुतु अवामा य माइणो मंता । उव जसु मह माहप्पकप्पतरुणो फलं विउलं ।।११०।। इय देवीवयणवियंभमाणरोमंचकंचुइयगत्तो । अन्भुट्ठइ कुलउत्तो महापसाओ त्ति जंपंतो ।।१११।। पंचंगचुंबियधरो धराहिराएण सो समं तेण । पणमइ देवि दुव्वारदुरियदंदोलिनिद्दलणिं ।।११२।। आणंदबाहजललुलियलोयणा देवया वि कुमरीए । सव्वंगीणाहरणं दिव्वं दीणारकोडिं च ।।११३।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |