Page Text
________________
७४
हितोपदेशः । गाथा-६६ - जीवदयाविषये नरकेसरिनरपतिकथानकम् ।।
तो सेवावसरसमावडंतसामंतचित्तदोरीहिं । निव्वत्तियआरत्तियमंगलिओ वारविलयाहिं ।।३२॥ पूइत्तु पूणिजे सम्माणेऊण माणणाअरिहे । सयलविसज्जियलोओ राया वासहरमल्लीणो ।।३३।। तत्थ य नियनियठाणट्ठिएसु कंचुइयआयरक्खेसु । आलावहासपरितोसियासु अवरोहरमणीसु ॥३४।। नीलदुगूलावरणो करकलियकरालकालकरवालो । ओसहिवलयपसाहिय - वामेयरचंडभुयदंडो ।।३५।। निविडकइच्छियकक्खो कक्खंतरओ अलक्खपयचारं । नीहरिय नयररत्थाउ कमइ तेणं चिय कमेणं ।।३६।। अह विजुकिरणपावीणयाइ उल्लिहियनहयलं सालं । लंघइ लीलाइ पहू पंचमुहो सिहरिसिहरं व ।।३७।। तो भमिरभूय-घूघूइरघूय-किलिकिलिरकालवेयाले । डमडमिर-डाइणीगणे विमुक्कलल्लक्कडक्कारे ।।३।। जलिरचियानलपरिपक्कमडयपलकवलणाउलपिसायं । विसइ असंभंतमणो पेयवणं मेइणीणाहो ।।३९।। तो लिहिय मंडलंतरविमुक्कपजलिरदीवसनवियं । नियपहपउत्तचक्टुं पिक्खइ कुलपुत्तयं राया ।।४।। अह तेण सबहुमाणं दाहिणपासट्ठियस्स नरवइणो । विहिया देहे रक्खा बद्धो सीसे सिहाबंधो ।।४१।। भणियं च पंचमो तं सि लोगवालेसु तो तुह समक्खं । अयमारब्भइ जावो अवहियहियएण होयव्वं ।।४२।। इय भणिऊण कयासणबंधो बंधुरतरंगसंठाणो । दरनमियवयणनयणो तल्लीणमणो ठिओ झाणे ।।४३।। इत्थंतरंमि जामिणिजामे पढमे समोसरंतम्मि । नियहुत्तमावडतं विम्हयविप्फारियच्छिजुयं ।।४४।। नियइ निवो नरमेगं सुंदररूवं पयंपिरं एयं । किं सगं चिय जायं तं वयणं जोगसिद्धीए ।।५।। जं सक्खं चिय दीसइ मंडलमालिहियमिह महीवलए । दीसइ मंतज्झाई तस्सुत्तरसाहओ तह य ।।४६।। ताजइतहेवएयंतामज्झविहोउसयलमहिलसियं ।इयभणिरु छियचलणेसुनिवडिओसोनरिंदस्स ।।४७।। रत्रा वि एस विब्भीसिय त्ति अवहीरिएण तेणुत्तं । मा मा महायस तुम अवहीरसु मं बिहीसि त्ति ।।४८।। पञ्चइयजोइणीवयणपेरियं मुणसु मं महाभाग ! । कजंतरेण केणइ उवट्ठियं नियसमीवंमि ।।४९।। इय भणिरं भणइ निवो हंहो को तं सि कहसु कत्तो वा । कस्साएसा कं पइ समागओ केण कजेण ।।५०।। अह विणयविरइयंजलिपुडेण नियहिययनिम्मलत्तं व । पयडंतएण अजुणदसणंसुमिसेण तेणुत्तं ।।५१।। अस्थित्थ रयणउरनयरममरनयरं व महियलोइन्नं । नयरंजियनियलोओ राया रिउमद्दणो तंमि ।।५२।। तस्स रइसुंदरीए देवीए उयरसरवरमराली । इक्क छिय निरवनस्स नंदणा चंदलेह त्ति ।।५३।। अहिगयकलाकलावा कमेण सा मयणरायहाणिव । जुवजणमणउम्मायण - महु ब्वणवजुब्वणंपत्ता ।।५४।। सोऊण तीइ लायन्त्रलहरिलडहत्तणं विणीयवई । पत्थइ पियरं सो वि हु न देइ से पावनिरओ त्ति ।।५५।। निसुओ य तेण पुहईसरेण कइया वि सुगुरुपयमूले । जिणपत्रत्तो धम्मो निम्भिन्नकुकम्मगणमम्मो ।।५६।। तप्पभिइ चेव वेरग्गमग्गसंसग्गभग्गमोहबलो । सासयसुहाभिलासी वासीचंदणसमाणमणो ।।५७।। निरवजाहाररओ 'चियत्तअंतेउरो निरासंगो । ववहारमित्तओ छिय बहुमत्रइ रजकज्जाइं ।।५८।। __2. चियत्त - परित्यक्त ।।
- पा. स. म. पृ. ३२६ ।।
Jain Education International 2010_02
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |