________________
६४
उत्तरज्झयणाणि-१ प्रयुक्तावधितो ज्ञात्वा स्वप्रतिज्ञामथामरः । तथा जलोदरं तस्य चक्रेऽसौ विव्यथे यतः ॥४२।। शशाक नोत्थातमपि प्रत्याख्यातो भिषग्वरैः । शस्त्रवैद्याकृतं कृत्वाऽवतीर्णोऽथ भुवं सुरः ॥४३।। वैद्योऽहं सर्वरोगाणां तूर्णमेव निवर्तकः । उद्घोषणामिमां कुर्वन् बभ्राम निखिले पुरे ॥४४।। लघु सज्जय मां रोगात् तेनेत्युक्ते सुरोऽभ्यधात् । तवासाध्यो महाव्याधिर्मदुपायं परं शृणु ॥४५॥ ममावलगकश्चेत् स्या मदादेशैकतत्परः । नाशयामि ततो व्याधि सोऽपि तत् प्रत्यपद्यत ॥४६॥ सज्जीकृतस्तेन सार्धं तस्य शस्त्रस्थगीधरः । गच्छन् विकृततद्भारादतीवासीत् प्रपीडितः ॥४७।। सूर्यतापः क्षुधा रोग: काय मार्गोऽतिभारिता । पारवश्यमसौ तस्य दुःखश्रेणिः सुदुःसहा ॥४८॥ अथ द्रुमतले साधून् वीक्ष्योचे रोगिणं सुरः । रे ! पीडितोऽसि दीक्षां त्वं भज मुक्तो मया व्रज ॥४९।। वरं व्रतमिति ध्यात्वा व्रत्यभून्निजर गते । उद्वतश्चाचिरादासीत् तज्ज्ञात्वा चावधेः सुरः ॥५०॥ तथैव रोगयोगेन क्रमाद् व्रतमलापयत् । पुनर्भग्नव्रतो भूयो रोगात् तं व्रतमापयत् ॥५१॥ अथ तृतीयवेलायां नामुचत् केटकं सुरः । संयमारतिमापन्नः सोऽपि दध्याविदं हृदि ॥५२।। गार्हस्थ्ये रोगसम्पत्तिर्न शक्तिव्रतपालने । एतदुःखभराक्रान्तो म्रियेय प्राणितेन किम् ? ॥५३॥ सहिष्येऽहं वरं रोगान् व्रतकष्टं सुदुःसहम् । बलादुपस्थितं सह्यमसह्यं शक्यमोचनम् ।।५४।। देवेनावधिना ज्ञातेऽध्यवसाये तथाविधे । मूर्जाऽऽदाय तृणव्यूहं ज्वलद् ग्रामं विशन् सुरः ॥५५।।
Jain Education International 2010_02
For Private & Personal Use Only
www.jainelibrary.org
