________________
द्वितीयं परीषहाध्ययनम्
तत्प्रत्ययाय प्रावाजीदधीयाय च स द्रुतम् । यवकैर्मोहितोऽत्यर्थं ज्येष्ठोऽपृच्छद् गुरूनथ ||३५|| कियच्छेषमथोचुस्ते किं ब्रूमो बिन्दुराददे । सागरादथ सोऽध्यायत् क्व तीर्यः श्रुतसागरः ? ||३६|| ततोऽपृच्छद् गुरून् भ्रात्राकारणाद् वोऽनुशासनात् । प्रभो ! दशपुरं यामि स्वजनव्रतहेतवे ॥३७|| वारितोऽप्यन्वहं प्रश्नेऽनुज्ञातो गुरुणा ततः । छेदो दशमपूर्वस्य भावी मदिति वेदिना ||३८|| वज्रप्रभुमनुज्ञाप्य तत्रासां सानुजो गतः । कुटुम्बं प्रतिबोध्याशु प्रव्रज्यामप्यलापयत् ॥ ३९॥ स्नेहात् समीपवर्त्येवास्ते तातो व्रत्यभूद् न तु । अनावृततया पुत्री - स्नुषादौ स्थातुमक्षमः ||४०|| वीप्सया गुरुणोक्तेऽथ व्रतार्थं सोऽप्यदोऽवदत् । कुण्डिका - शाटक-च्छत्रोपवीतोपानहं यदि ॥ ४१ ॥ अनुजानास्यनुज्ञातं तैः स व्रतमथाददे । बाला वन्ददम्भेन क्रमादत्याजयंश्च तत् ॥४२॥ शाटकं तु न तत्याज यत्नेऽप्यथ प्रमृते मुनौ । कस्मिन्नपि गुरुः प्रोचे तं ममोचयिषुः प्रधीः ||४३|| साधवो वहनं ह्यस्य को विधाता महाफलम् ? | सङ्केतात् साधवस्तस्मै साहंपूर्विकमापतन् ||४४|| अत्यन्तनिर्जराकारि यदीदं तन्ममादिश । इत्युक्ते तेन गुरवः सोपसर्गमदोऽवदत् ॥४५॥ उपसर्गैर्यदि क्षुब्धो बालरूपादिनिर्मितैः । तदा मम भवेद् विघ्नस्तन्नेदं त्याज्यमन्तरा ||४६|| इत्यर्थे दार्ढ्यमाधाय मृतं वोढुमुपाक्रमत् । अग्रतः साधवः पश्चात् साध्व्यस्तत्र व्रजन्ति हि ॥४७॥ संज्ञिताः शिशवस्तावत् तच्छाटकमपाहरन् । उपनीतश्चोलपट्टः कट्यां बद्धश्च तत्क्षणम् ॥४८॥
For Private & Personal Use Only
Jain Education International 2010_02
५९
www.jainelibrary.org
