________________
द्वितीयं परीषहाध्ययनम्
ध्यात्वेत्यन्तर्गृहं गत्वा तां ननामाथ साऽप्यवक् । स्वागतं ते ततो मौनमाधायानन्तरं स्थिता ।।७।। कथं मातर्न ते तुष्टिरिति पृष्टाऽभ्यधादियम् । भवहेतुभिरेतैः किं शास्त्रैहिंसाप्ररूपकैः ? ॥८॥ किमधीतो दृष्टिवादो येन तष्टिर्ममोदियात । सोऽथ दध्यौ प्रसूस्तोष्या किं तुष्टैरपरैर्जनैः ॥९।। दृष्टिवाद इति स्पष्टं मह्यं नामापि रोचते । यत्र दर्शनचर्चाऽस्ति तदध्येतव्यमेव मे ॥१०॥ मातर्भवेत् क्व तत्पाठः साऽऽह वत्स ! इक्षुपाटके । गुरुस्तोसलिपुत्राख्योऽध्यापकस्तेऽस्ति मातुलः ॥११।। अधृति मा कृथाः कल्येऽध्येताऽस्मि तमिति प्रसूम् । सन्तोष्यातीत्य रजनी प्रातरुत्थाय सोऽचलत् ॥१२॥ इक्षुन् सार्धान् नवादायागच्छन्तं सुहृदं पितुः । मिलितं प्राह मे मात्रेऽमून् दत्त्वा त्वमदो वदेः ॥१३।। 'मिलितो रक्षितस्याहं प्राक्' तेनापि तथाकृते । सार्द्धानि नव पूर्वाणि सोऽध्येतेति विवेद सा ॥१४॥ रक्षितो दृष्टिवादस्य नवैवाध्ययनान्यहम् । दशमस्यार्द्धमध्येष्ये स्वधियेति व्यचारयत् ॥१५|| क्रमाड्डड्डरसुश्राद्धानुकारिचरितोऽनमत् । यथाविधि गुरूनिक्षुगृहस्थान् सपरिच्छदान् ॥१६॥ ववन्दे नाऽऽस्तिकस्तेन नव इत्यबुधद् गुरुः । अपृच्छच्च कुतो धर्मोऽतः श्राद्धादिति सोऽभ्यधात् ॥१७|| श्राद्धीसुतोऽयं य: कल्ये करिस्कन्धाधिरोहितः । अधीतविद्यः सर्वा राज्ञाऽऽनीयत वेश्मनि ॥१८॥ इति साधुभिराख्याते सोऽवगध्येतुमुत्सुकः । दृष्टिवादमिहाऽऽगां तत् तदानेन प्रसीदतु ।।१९।। न विना व्रतमेतत् स्यात् स्वीचकारेति तद् द्रुतम् । आह चात्र स्थितं भूपो मामुत्प्रव्राजयिष्यति ॥२०॥
Jain Education International 2010_02
For Private & Personal Use Only
www.jainelibrary.org
