________________
उत्तरज्झयणाणि-१ तनूनि कृशानि स्युस्ततस्तैः सङ्काशानि सदृशान्यङ्गानि जानु-कूर्परादीनि यस्य स कालीपर्वसङ्काशाङ्गः । प्राकृतत्वादङ्गशब्दस्य प्राग्निपातः । तपसा शोषिताङ्गत्वादस्थिचविशेष इत्यर्थः । एवं कृशो 'धमणि त्ति' धमनयः शिरास्ताभिः सन्ततो व्याप्तः । तथा मात्रामाहारमानरूपां जानातीति मात्राज्ञोऽशनपानस्य, नातिलौल्यादधिकोपभोगी, तदप्राप्तौ त्वदीनमना अनाकुलचित्तश्चरेत् संयममार्गे यायादेवं क्षुत्परीषहः सोढः स्यात् । हस्तिभूतियतिवत्तथाहि
उज्जयिन्यां गृहपतिर्हस्तिमित्रोऽस्त्युदारधीः ।। प्रियामरणवैराग्यात् सूनुना हस्तिभूतिना ॥१॥ प्रावाजीदन्यदा भोगकटकं नगरं प्रति । पथि साधुषु गच्छत्सु कण्टकेन स विव्यधे ।।२।। बाढं वेदनया गन्तुं पदमप्येकमक्षमः । साधूनाह न शक्नोमि दत्त मेऽनशनं ततः ॥३॥ वहिष्यामो निजस्कन्धे दुःखं माऽधिमनः कुरु । ग्लानस्य प्रतिचरणा पुण्याय महतेऽस्तु नः ॥४॥ इत्युक्तस्तैरसौ प्रोचे खेदं भोः ! कुरुतात्र किम् ? । प्राप्तावसान एवाहं करिष्येऽनशनं ध्रुवम् ।।५।। इत्युदीर्य विधायैतत् क्षमयित्वा मुनीश्वरान् । निर्बन्धात् प्रेषयामास पुरं सर्वान् मनीषितम् ।।६।। स्वयमद्रेः स्थितोदर्यामेकाक्यथ तदङ्गजः । बलान्नीतोऽपि मोहेन वलित्वोप तदागमत् ॥७॥ सुष्ठ नानुष्ठितं वत्स ! क्षुधाऽत्र त्वं मरिष्यसि । सोऽप्याह त्वत्समीपस्थे यन्मयि स्यादिहास्तु तत् ॥८॥ वृद्धः समाधिना मृत्वा देवीभूयोपयुक्तवान् । अवधिज्ञातवृत्तान्तः प्रविवेश निजं वपुः ॥९॥ कृपया क्षुल्लकं प्राह वत्स ! भैक्ष्यकृते व्रज । कुत्रेति क्षुल्लकप्रश्ने न्यग्रोधादिषु सोऽवदत् ॥१०॥
Jain Education International 2010_02
For Private & Personal Use Only
www.jainelibrary.org
