________________
४४
उत्तरज्झयणाणि-१ इति सप्त क्षयं नीता विनैतैर्मोहभूपतिः । क्रूरोऽप्यक्षम उत्कीर्णदाढोरग इवाभवत् ॥१४॥ सदा सप्तभिरप्येतैः पुरा त्वयि यदावृतम् । इदानीं तत् तव व्यक्तमभूत् क्षायिकदर्शनम् ॥१५।। अस्मिस्ते प्रकटे जाते दुर्बले कर्मसञ्चये । भावि शाश्वतिकं सौख्यं भवेऽवश्यं तृतीयके ॥१६।। किञ्च विष्णो ! महारम्भप्रचितं कर्म यत् त्वया । आसीन्माघवतीवेद्यं शैलावेद्यं तु तत् कृतम्" ॥१७॥ आकर्येति विषण्णात्मा जगाद पुरुषोत्तमः । भवत्यपि प्रभौ दुःखं भोक्तव्यं ही ! कथं मया ? ||१८|| एकदाऽपि कृतो मुक्त्यै प्रणामो भावतोऽर्हतः । त्वद्भक्तस्य तृतीयो मे नरको धिक् कुकर्मताम् ।।१९।। सूर्येऽप्यभ्युदिते ध्वान्तं स्याच्चेत् तत् क्रियते किमु ? । त्वयि प्रभावकल्याणं तत् पूत्कुर्वेऽत्र किं पुरः ? ॥२०॥ भूयोऽप्यादिश दास्यामि वन्दनानि तपस्विनाम् । मुच्येय नारकक्लेशैर्यथा स्वामिंस्तथा कुरु ॥२१॥ "आदिदेश जिनो मुक्तिर्नास्ति प्रचितकर्मणः । साशंसा च क्रिया न स्यादभीष्टफलसाधिका ॥२२॥ भृशं वैलक्ष्यमापन्नं व्याजहार जिन जिनः । मा विषादं कृथा अद्य तीर्णोऽसि क्लेशसागरम् ।।२३।। जिनोऽहमिव भूत्वा त्वं निष्कषायस्त्रयोदशः । भरतेऽत्र जगद्वन्द्यः शीघ्रं निवाणमाप्स्यसि" ॥२४।। तुष्टो हरिरुवाचाथ वीरस्य किमभूत् फलम् ? ।
त्वच्चित्ताराधनादन्यन्नैवेत्याह जिनेश्वरः ॥२५॥ उक्तञ्च
"किरिया नाणं दाणं चरणं करणं दया दमो सयलं । सविवेयमणे सहलं किलेसमित्तं फलं इहरा" ॥१॥
१. क्रिया ज्ञानं दानं चरणं करणं दया दमः सकलम् ।
सविवेकमनसि सफलं क्लेशमात्रं फलमितरथा ॥१॥
For Private & Personal Use Only
www.jainelibrary.org
Jain Education International 2010_02
