________________
४०
उत्तरज्झयणाणि-१ ज्ञापिते साधुचरितेऽमीषां भावोऽपि हीयते । श्राद्धैस्तु नोदिताः शिष्या असूयिष्यन्ति मां भृशम् ॥२६।। यतोऽप्रीतिः परेषां स्याद् न तत् कुर्वन्ति धार्मिकाः । श्रमणो भगवान् वीरस्तत्रोदाहरणं प्रभुः ॥२७॥ सम्प्रधार्येति भणितमप्रदर्शितविक्रियम् ।। श्राद्धाः ! स्थातव्यमस्माभिः कियच्चिरमजङ्गमैः ? ॥२८॥ यावद् वस्तु क्रियाकारि तावत् तत्र महाऽऽदरः । रक्षिते किमिदानी भोः ! अक्षमेऽस्मिन् कलेवरे ॥२९॥ अनेन गत्वरेणाशु चेच्छरीरेण साध्यते । असारकेण सारार्थस्तत् किं नात्र प्रसाधितम् ? ॥३०॥ युष्माभिर्विहिता भक्ति: पुण्यान्युपचितानि च । धर्मलाभोऽस्तु नो मिथ्या दुष्कृतं सकलैः सह ॥३१॥ प्रबोध्य मधुरालापैरित्येतान् गुरवस्ततः । विहितानशनाः प्रापुः स्वर्गालङ्कारहारताम् ॥३२।। आस्तिका अधृति चक्रुर्मुनयो ज्ञातदुष्कृताः ।
निन्दामापुर्भवभ्रान्ति परां चानुबभूविरे ॥३३॥ एवं बुद्धोपघाती न स्यात् ॥४०॥ कथञ्चित् कुपिते गुरौ कृत्यमाह
आयरियं कुवियं नच्चा पत्तिएणं पसायए ।
विज्झविज्ज पंजलिउडो वएज्जा न पुणो त्ति य ॥४१॥ व्याख्या-आचार्यमुपलक्षणत्दुपाध्यायादिकमन्तःकुपितमनुशासनौदासीन्यादिभिर्बहिः कुपितं दृष्ट्यप्रदानादिना ज्ञात्वा 'पत्तिएणं ति' प्रातीतिकेन प्रत्ययोत्पादकशपथादिवचनेन, यद्वा प्रीत्या सामवचसा न भेदादिभिः प्रसादयेत् प्रसादं ग्राहयेत् । विध्यापयेत् कथञ्चिदुदीरितकोपानलमप्युपशमयेत् । प्राञ्जलिपुटः संयोजितकरः । वदेच्च यथा भगवन् ! ममेदमनाचरितं क्षन्तव्यं न पुनरित्थं करिष्ये ॥४१।। यथा गुरोः कोप एव न स्यात्, तथाऽऽह
धम्मज्जियं च ववहारं बुद्धेहिं आयरियं सया । तमायरंतो ववहारं गरिहं नाभिगच्छड् ॥४२॥
Jain Education International 2010_02
For Private & Personal Use Only
www.jainelibrary.org
