________________
उत्तरज्झयणाणि-१ तत् कथञ्चिन्निजं बालं जीवयिष्याम्युपायतः । जातं यूथपति वीक्ष्यादास्ये साध्यं स्वजन्मनः ॥५॥ अपसृत्यापसृत्येति शनैप॒थेऽमिलच्च सा । तेनाभ्यासेन यूथेशोऽज्ञासीद् यन्मन्दचारिणी ॥६॥ पूर्णप्रायेषु मासेषु दृष्टैकं तापसाश्रमम् । तत्रागत्य च तान् नत्वा स्थिताऽत्र प्रसवार्थिनी ।।७।। तपस्विनां वने तत्र सा प्रासूत गजार्भकम् । धवलं भद्रजातीयं चतुर्दन्तमनोहरम् ।।८।। स क्रमेण कराग्रेणादाय सारणितो जलम् । सिषेच तरुमूलानि सञी तापसबालवत् ॥९॥ तेन व्यतिकरेणैष गीतः सेचनकाख्यया । वयःस्थोऽजनि पुष्टाङ्गो जङ्गमः सानुमानिव ॥१०॥ स्वैरं चरन् महाऽटव्यां दृष्ट्वा यूथपति क्रुधा । हत्वा यूथपतिर्जज्ञे वयसो ही ! दुरन्तता ॥११॥ मा मन्मातेव काऽप्यन्या स्थित्वाऽत्र प्रसविष्यति । चिन्तयित्वेति सोऽभाङ्क्षीत् खलस्तं तापसाश्रमम् ॥१२।। ऋषयोऽप्यतिनिर्विण्णा ही ! खलो यत्र वह्निवत् । वृद्धि नीतः पदं तत् तु नयत्येव विनष्टताम् ॥१३।। एकदाऽनेन बलिना ध्वस्तः सैषोऽस्मदाश्रमः । क्रियासमभिहारेण भक्ता चेत् तन्न सुन्दरम् ॥१४॥ विचिन्त्येति पुष्प-फलं पाणावादाय संहताः । उपस्थिताः स्थितिप्राज्ञाः श्रेणिकं मगधेश्वरम् ॥१५॥ अभणंश्चेदृशोऽरण्ये द्विरदः सर्वलक्षणः । गन्धहस्ती सेचनको राज्येऽन्यो नास्ति यादृशः ।।१६।। तेनैकेनापि पर्याप्तं किमन्यैर्बहुभिर्गजैः । भास्वानिव तमोध्वंसे स एकोऽपि क्षमो रणे ।।१७।। निरादित्यं यथाऽऽकाशं निर्नेत्रं वदनं यथा । तथैवाभाति ते राज्यं तेनैकेन विना कृतम् ॥१८॥
Jain Education International 2010_02
For Private & Personal Use Only
www.jainelibrary.org |
