________________
४६२
'संकुंडलं वा वयणं नव त्ति' नगरे चेदमुद्धुष्टं य एनं पूरयिष्यति । तद्भक्तो भवितोर्वीशस्तस्मै दास्यति चेप्सितम् ॥२०॥ अथैतत् पदमादाय निर्जग्मुस्ते प्रावादुकाः । सप्तमेऽह्नि समाहूता नृपादेशेन मन्त्रिणा ॥२१॥ उपान्तःपुरिभित्त्येषोऽक्षेपयत् सूक्ष्मवालुकाः । अथ सम्भूय सर्वेऽपि हृष्टास्ते समुपागमन् ॥ २२॥ यावदद्यापि नास्थानमध्यास्ते वसुधाधवः । गृह्यते दृक्फलं तावद् राजदारनिरीक्षणात् ॥२३॥ इत्यालोच्य ब्रह्मगुप्तिपरमार्थबहिष्कृताः । गत्वा ते जालमार्गेणापश्यन् शुद्धान्तयोषितः ||२४|| अलङ्कृतसभे राज्ञि तं झटित्युपतस्थिरे । पदं प्रथमतस्तत्र परिव्राडित्यपूरयत् ॥२५॥ “भिक्खपविद्वेण मएज्ज दिट्टं विलयामुहं कमलविलासणित्तं । वक्खित्तचित्तेण न सु णायं सकुंडलं वा वयणं नव त्ति" ॥ श्रुत्वेदं नृपितर्दध्यौ व्याक्षेपो ह्यस्य कारणम् । सकुण्डलेतराज्ञाने न पुनर्वीतरागता ॥ २६ ॥
अहो ! आहारसदृशा उद्गाराः खल्वमुष्य यत् । गिरः सरागाश्चित्तस्थां व्यञ्जयन्ति सरागताम् ||२७|| प्रणाममात्रानर्होऽसौ वैराग्यज्ञानवर्जितः । इति निर्धार्य मुक्तेऽस्मिंस्तापसस्त्विदमूचिवान् ॥२८॥ “फैलोदएणं मि गिहं पविट्ठो तत्थासणत्था पमया विदिट्ठा । वक्खत्तचित्तेण न सुट्टु णायं सकुंडलं वा वयणं नव त्ति" ॥
१. सकुण्डलं वा वदनं नवेति ।
२. भिक्षाप्रविष्टेन मयाऽद्य दृष्टं वनितामुखं कमलविलासनेत्रम् । व्याक्षिप्तचित्तेन न सुष्ठु ज्ञातं सकुण्डलं वा वदनं नवेति ॥ ३. फलोदकार्थमहं गृहं प्रविष्टस्तत्रासनस्था प्रमदाऽपि दृष्टा । व्याक्षिप्तचित्तेन न सुष्ठु ज्ञातं सकुण्डलं वा वदनं नवेति ॥
उत्तरज्झयणाणि - १
Jain Education International 2010_02
For Private & Personal Use Only
www.jainelibrary.org
