________________
४६१
षोडशं ब्रह्मचर्यसमाधिस्थानाध्ययनम्
विज्ञा अविज्ञाः किंविज्ञा अपि सर्वे वदन्त्यमी । स्पर्द्धयेव निजां दृष्टिं न ब्रूते तु भवान् कुतः ? ॥६॥ उत्कूजन्तुतमां काका बकाद्या अपि सर्वतः । श्रोत्रयोरभिमुख्यं तु करोति पिककूजितम् ॥७॥ ततो नृपानुमत्यैष शुष्कवादपराङ्मुखः । बोधकल्पद्रुमाङ्करोत्पत्तिं वाञ्छन् नृपे जगौ ॥८॥ शुष्कवादो विवादश्च धर्मवादस्तथाऽपरः । राजन् ! एष त्रिधा वादः कीर्तितः परमर्षिभिः ॥९॥ अत्यन्तमानिना साधु क्रूरचित्तेन वा दृढम् । धर्मद्विष्टेन मूढेन शुष्कवादः प्रकीर्तितः ॥१०॥ विजयेऽस्यातिपातादि लाघवं तत्पराजयात् । धर्मस्येति द्विधाऽप्येष तत्त्वतोऽनर्थवर्धनः ॥११॥ लब्धिख्यात्यर्थिना तु स्याद् दुःस्थितेनामहात्मना । छल-जातिप्रधानो यः स विवाद इति स्मृतः ॥१२॥ विजयो ह्यत्र सन्नीत्या दुर्लभस्तत्त्ववादिनः । तद्भावेऽप्यन्तरायादिदोषो दृष्टविघातकृत् ॥१३॥ परलोकप्रधानेन मध्यस्थेन तु धीमता । स्वशास्त्रज्ञाततत्त्वेन धर्मवाद उदाहृतः ॥१४॥ विजयेऽस्य फलं धर्मप्रतिपत्त्याद्यनिन्दितम् । आत्मनो मोहनाशश्च नियमात् तत्पराजयात् ॥१५॥ देशाद्यपेक्षया चेह विज्ञाय गुरु-लाघवम् । स्वान्यबोधाय सौम्येन वादः कार्यों विपश्चिता ॥१६॥ श्रौतं तत्त्वमिदं राजस्तदेभिः पक्षपातिभिः । निरर्थं वाक्कलिं कृत्वा कः कुर्याद् गलशोषणम् ? ॥१७॥ उत्तिष्ठन्त्वधुना सर्वे परीक्षां नृपतिः स्वयम् । तीर्थिकाणां विधातासौ धर्मभेदो हि यत्कृतः ॥१८॥ विसज्येत्थं सभां राजानुमत्यामात्यपुङ्गवः । तानाहूयान्यदादत्त समस्यापदमित्यदः ॥१९॥
Jain Education International 2010_02
For Private & Personal Use Only
www.jainelibrary.org
