________________
प्रथमं विनयाध्ययनम्
चेटकोऽप्याख्यदायुष्मन् ! क्षणमेकं विलम्ब्यताम् । यावत् स्नानं विधायालं वापीमध्ये समेम्यहम् ॥६६।। ततश्चेटकभूपालो बद्ध्वाऽय:पुत्रिकां गले । यावत् पिपतिषुर्वाप्यां ददौ झम्पां समाहितः ॥६७।। स तावद् धरणेन्द्रेण धृत्वा स्वकरसम्पुटे । साधर्मिक इति व्योम्नः पतन् नीतः स्वमन्दिरम् ।।६८॥ तत्र च स कृतानशनः समाश्रिताराधनः शुभध्यानः । कल्पे च सहस्त्रारे शक्रसमद्धिः सुरो जज्ञे ॥६९।। अथ चेटकदौहित्रः सुज्येष्ठाभूः स सत्यकीर्लोकम् । वैशाल्या विद्याभृन्न्यवासयन्नीलवच्छैले ॥७०॥ कौणिकभूपो योत्रितरासभसीरैः पुरीं समाखेट्य ।
पूरितसन्धश्चम्पां प्रविवेश महामहःपूर्वम् ॥७१।। किञ्च
सुभटा बलयोरेका कोटि: प्रथमेऽष्टसप्ततिर्लक्षाः । युधि विंशतिः सहस्रा निहतास्तिर्यक्षु चोत्पन्नाः ।।७२।। द्वैतीयीके तस्मिन् मृताः सहस्रा भटाश्चतुरशीतिः । तिर्यक्षु च निरयेषु च केचन सञ्जज्ञिरे तेषु ॥७३।। तार्तीयीके रणे षण्णवतिसहस्रका हता योधाः । तेषु सहस्रदशकं मत्सीकुक्षौ समवतीर्णम् ॥७४॥ एक: सुकुले चैकः स्वः शेषास्तेष्वगुश्च तिर्यक्षु । सर्वाग्रेणैवैका कोटिरथाशीतिलक्षाश्च ॥७५।। सुभटानां व्यपद्यन्त सैन्ययोरुभयोरपि । एतस्यामवसर्पिण्यां प्रायो नेदृगभूद् रणः ॥७६।। पञ्चभिः कुलकम् सद्गुरुहीलन-गणिकासङ्गार्हत्स्तूपभङ्गसम्भूतात् । पापाद् दुर्गतिमगमत् स मुनिब्रुवः कूलवालोऽपि ॥७७।। इति कूलवालवृत्तं श्रुत्वा भोः ! भव्यमानवास्त्यजत ।
यदि वाञ्छत शिवसौख्यं सुगुरूणां प्रत्यनीकत्वम् ।।७८॥३॥ इति गुरुप्रत्यनीकत्वे कूलवालककथा ॥
Jain Education International 2010_02
For Private & Personal Use Only
www.jainelibrary.org
