________________
उत्तरज्झयणाणि-१ कौणिकेनाथ तच्छ्रुत्वाऽऽहूता मागधिकाऽपि सा । प्रस्तुतं कार्यमादिष्टा लीलया प्रत्यपद्यत ॥५२॥ कपटश्राविकी भूत्वा तादृक्तन्त्रा क्रमेण सा । सार्थेन सह तत्रागात् तमाह प्रणयाद्भुतम् ॥५३।। स्वामिन् ! शत्रुञ्जयं तीर्थं यद् विवन्दिषितं मुदा । तत्र त्वं वन्दितोऽकस्मात् साऽनभ्रा वृष्टिरेव मे ॥५४॥ अस्तु शत्रुञ्जयं तीर्थं स्थावरं जङ्गमं पुनः । त्वमेवासि महातीर्थं दर्शनात् क्षालितांहसम् ॥५५।। प्रासुकाहारयोगोऽस्ति मुने ! यद्यस्ति पारणम् । आदानेनैतदन्नस्य सतन्त्रां मा प्रवित्रय ॥५६॥ सोऽप्याददे तया दत्तान् मोदकांश्चित्तमोदकान् । चूर्णयोगात् तपःक्षीणस्ततोऽभूद् चातिसारकी ॥५७|| हा ! भक्तये कृतं कार्यं प्रत्युताभूदभक्तये । इति सव्याजसस्नेहालापैः सा तमुपाचरत् ।।५८॥ भैषज्य-धावनाभ्यङ्ग-मुख्यया परिचर्यया । स तयाऽऽवर्जितोऽत्यन्तं प्रगुणोऽभूत् तदाश्रवः ॥५९|| चेतसाऽध्युपपन्नं तं तद्गीर्वागुरया धृतम् । कुरङ्गमिव वैशाली नीतं श्रीकौणिकोऽवदत् ॥६०॥ तमुपायं कुरुष्वाशु वैशाली गृह्यते यतः ।। ततो नैमित्तिकाकल्पो मध्येवैशालि सोऽगमत् ॥६१।। स्तूपस्य महिमां मत्वा व्याकुलं लोकमभ्यधात् । स्तूपापनयनाद् लोकाः ! मुच्यते विग्रहात् पुरी ||६२॥ यावत् तैः पातितोऽत्यात्तैः स्तूपः श्रीसुव्रतार्हतः । पुरी भतुमुपाक्रंस्त तावत् कौणिकभूपतिः ॥६३।। द्वादशाब्दावसानेऽथ सुव्रतस्तूपभङ्गतः । वैशालीमभनग् भूपः कौणिकः स्वकसैन्ययुक् ॥६४॥ ततो नगर्या निर्यान्तं चेटकं कौणिकोऽवदत् । मातामह ! मातामह ! समाख्याहि कमादेशं करोम्यहम् ? ॥६५॥
Jain Education International 2010_02
For Private & Personal Use Only
www.jainelibrary.org
