________________
११
प्रथमं विनयाध्ययनम्
एतौ तु मा विनश्येतामिति नादात् पुरः पदम् । स ततस्तावकुशेनाहत्याहतुरदो द्विपम् ॥४०॥ रे दुरात्मन् ! विधत्से त्वं सम्प्रति प्रतिकूलताम् । तदवश्यं हि जानीवो रिपुभिर्विप्रतारितः ॥४१॥ इदं कटुवचः श्रुत्वा स करी करटाद् द्रुतम् । करेणोत्तार्य तौ स्वं च खातिकाऽन्तरपातयत् ॥४२॥ तत्राग्निज्वलितो रौद्रध्यानः सेचनको द्विपः । मृत्वा रत्नप्रभापृथ्व्यां नारकोऽभूत् सुदुःखितः ॥४३॥ सप्तभिः कुलकम् ततो हल्ल-विहल्लौ तमिभं वीक्ष्य परासुकम् । विलक्ष्यौ दध्यतुरिति धन्योऽयं पशुरप्यहो ! ॥४४।। आवां हि येन रक्षित्वा स्वात्मा वह्नौ प्रवेशितः । आवां पुनरधन्यौ यौ सदा दुष्कृततत्परौ ॥४५।। अनेकजीवसङ्घातसञ्जातादंहसः कथम् ? । श्वभ्रहेतोश्छुटिष्याव इति संविग्नमानसौ ॥४६॥ यावज्जातौ तु तौ तावत् ततः शासनदेवता । अकस्मादेत्य तावुत्पाट्यानैषीद् वीरसन्निधिम् ॥४७॥ ततस्तत्र व्रतं लात्वा संसाराम्बुधितारकम् । सुदुस्तपं तपस्तप्त्वा जग्मतुः सुगतिं च तौ ॥४८॥ पञ्चभिः कुलकम् विषण्णः कौणिकः माभृद् वैशाली लातुमक्षमः । इमां सन्धां व्यधादेनां खरोपेतहलैर्यदि ॥४९॥ न खानयामि ताशु वह्निकुण्डे विशाम्यहम् । उपायैर्बहुभिर्यावत् पुरी भतुं शशाक न ॥५०॥ तावद् गुरुप्रत्यनीकेऽतिरुष्टा कूलवालके । वैतालीयमिदं पद्यमाकाशस्थाऽपठत् सुरी ॥५१।। त्रिभिर्विशेषकम् "समणे जइ कूलवालुए मागहियं गणियं गमिस्सदि ।
लाया य असोगचंदए वेसालिं नगलि गहिस्सदि" ॥१॥ १. श्रमणो यदि कूलवालुको मागधिकां गणिकां गमिष्यति ।
राजा चाशोकचन्द्रो वैशाली नगरी ग्रहीष्यति ।
Jain Education International 2010_02
For Private & Personal Use Only
www.jainelibrary.org
