________________
४०५
त्रयोदशं चित्र-संभूतीयमध्ययनम्
चुलन्युवाच यद्येवं तेनोपायेन मार्यते । येन लोकापवादोऽत्र न स्यात् स हि सुदुस्सहः ।।८८।। दीर्घः प्राह तथैवेह करिष्ये मा विषीद भोः ! । ततः स कुमरोद्वाहसामग्री कर्तुमुद्यतः ॥८९॥ तदा चैकस्य भूपस्य दीर्घराजवृता सुता । सा तु प्रच्छन्नदूतेन वारिता धनुमन्त्रिणा ॥९०॥ अथासन्ने मुहूर्ते स कुमारस्तेन चालितः । बहुतन्त्रो विवाहार्थं चतुरङ्गचमूवृतः ॥९१॥ तदा च दीर्घभूपालोऽनेकस्तम्भप्रतिष्ठितम् । दुर्निर्गम-प्रवेशं तु जतुगेहं व्यधापयत् ॥९२॥ इतश्च धनुमन्त्रीशश्चतुर्थीर्दीर्घदर्शिकः । ब्रह्मदत्तहिताकाङ्क्षी दीर्घभूपं व्यजिज्ञपत् ॥९३।। राजन् ! वयं जराक्रान्ताः किमन्याथ कर्मणा ? | प्राप्यानुज्ञां तावकीनां धर्मं कुर्मः किलोचितम् ॥९४।। कैतवेनावदद् दीर्घस्त्वद्वियोगः सुदुःसहः । इहैव स्वेच्छया मन्त्रिन् ! धर्मं दानादिकं कुरु ॥९५।। राज्ञोक्तमुररीकृत्य प्रेष्यैः स धनुधीसखः । महत् त्रिपथगातीरे सत्रागारममण्डयत् ॥९६॥ तस्मिंश्चतुर्विधाहारमनेकान् पान्थमुख्यकान् । सदा स भोजयामास मान-सन्मानपूर्वकम् ॥९७॥ प्रतीतैः पुरुषैः सत्रागारादाजतुमन्दिरम् । गव्यूतिद्वितयोन्मानां स सुरङ्गामचीखनत् ॥९८॥ इतश्च ब्रह्मदत्तोऽपि सुहृद्वरधनूल्बणः । परिणीय कनीमन्यां काम्पील्यपुरमासदत् ॥९९।। दीर्घराट् कपटप्रेम्णा प्रवेश्य पुरमुत्सवैः । कुमारं सवधूकं चास्थापयज्जतुवेश्मनि ॥१००॥ निशि सुष्वाप कुमरो जजागार सुहृत् पुनः । मध्यरात्रेऽथ सम्प्राप्ते स्वस्वस्थानगते जने ॥१०१।।
Jain Education International 2010_02
For Private & Personal Use Only
www.jainelibrary.org
