________________
प्रथमं विनयाध्ययनम् सेनामानं चेदम्
कोटित्रयी भटानां त्रिसहस्त्री रथ-तुरङ्ग-नागानाम् । प्रत्येकं सैन्यमभूद् भूपस्य च बन्धुदशकस्य ।।१३।। त्रयस्त्रिंशत् सहस्राणि गज-स्यन्दन-वाजिनाम् । त्रयस्त्रिंशत् पत्तिकोट्यः कूणिकस्याखिला चमूः ॥१४॥ सागरव्यूहरूपेण स्कन्धावारं निवेश्य सः । तस्थौ तद्देशसीमायां मदोत्कटभटोत्करः ।।१५।। ततश्चेटकभूपोऽपि तं सन्नह्याभ्यषेणयत् । दुर्दान्ताष्टादशप्रोद्यद्गणराजपुरस्कृतः ॥१६॥ कोटित्रयी भटानां त्रिसहस्री स्यन्दनाश्व-नागानाम् । कटकं च चेटकस्याष्टादशगणभृतां चापि ॥१७॥ सहस्राः सप्तपञ्चाशद् रथ-कुञ्जर-वाजिनाम् । पत्तीनां सप्तपञ्चाशत् कोट्यश्चेटकसंयुधि ॥१८॥ स सैन्यं गरुडव्यूहाकारेणास्थापयद् द्रुतम् । स्वदेशान्ते बधिरयन् वाद्यनादैस्तु रोदसीम् ।।१९।। गजिनो गजिभिः साकं रथिनो रथिभिः समम् । अश्विनोऽश्चिभिरुत्कर्षादेवं युध्यत्सु योद्धृषु ॥२०॥ सन्धीरयन् स्वकान् वीरान् दलयन् परसैनिकान् । कालः काल इवागत्य करालश्चेटकं जगौ ॥२१॥ युग्मम् देहि मातामह ! त्वं भोः ! शीघ्र हल्ल-विहल्लको । न चेद् मच्छरशय्यायां सुप्तो मृतिमवाप्स्यसि ॥२२॥ चेटकोऽवग् रे ! बालापसरास्माद् रणाद् लघु । अन्यथाऽहं भविष्यामि दौहित्रवधपातकी ॥२३।। ततः कालो बलाद् बाणैरच्छिदत् तद्रथध्वजम् । कालं कालगृहं निन्ये चेटको दैवतेषुणा ॥२४॥ एवं नवभिरहोभिस्तद्वन्धून् स क्रुधा नवाप्यन्यान् । प्रेषीत् कालसमीपे बन्धुस्नेहादिवागुस्ते ॥२५॥
Jain Education International 2010_02
For Private & Personal Use Only
www.jainelibrary.org
