________________
३८३
द्वादशं हरिकेशीयमध्ययनम्
व्याख्या-तं बलनामानं 'पासिऊणं' ति दृष्ट्वा 'इज्जंतं' ति आयान्तं तपसा षष्ठादिरूपेण परिशोषितं समन्तात् कृशीभूतम् । प्रान्तो जीर्णमलिनत्वादिभिरसार उपधिवर्षाकल्पादिरौघिक उपकरणं च दण्डकाद्यौपग्रहिकं यस्य स प्रान्तोपध्युपकरणस्तमुपहसन्त्यनार्या अशिष्टा म्लेच्छा वा ॥४॥ कथमित्याह
जाईमयपडिथद्धा हिंसगा अजिइंदिया ।
अबंभचारिणो बाला इमं वयणमब्बवी ॥५॥ व्याख्या-जातिमदो जातिदर्पो यदुत 'ब्राह्मणा वयमिति' तेन प्रतिस्तब्धा हिंसका जीवहिंसाकारिणः, अजितेन्द्रिया अब्रह्मचारिणोऽत एव बाला अज्ञा इदं वचनं वक्ष्यमाणं 'वचनव्यत्ययात्' अब्रुवन्नुक्तवन्त इति ॥५॥ किं तदित्याह
कयरे आगच्छइ दित्तरूवे काले विकराले फोक्कनासे ? ।
ओमचेलए पंसुपिसायभूए संकरदूसं परिहरिय कंठे ॥६॥ व्याख्या-कतर आगच्छति दीप्तरूपोऽतिबीभत्सत्वेन दुर्दर्शः, कालो वर्णतो विकरालो दन्तुरत्वादिना रौद्रः देश्यत्वात् फोक्काग्रे स्थूलोन्नता नासाऽस्येति फोक्कनासः । अवमचेलकोऽसारवस्त्रो जीर्णत्वादिना पांशुना रजसा पिशाचवद् भूतो जात: पिशाचभूतो निष्परिकर्मत्वेन रजोलिप्ताङ्ग इत्यर्थः । सङ्कर उत्कुरुडिका तत्र दूष्यं वस्त्रं सङ्करदूष्यं यदतिनिकृष्टं निरुपयोगितया लोकैरुत्सृष्टं स्यात् तत् परिधृत्य निक्षिप्य कण्ठे । स हि स्वोपधि गृहीत्वैव भ्राम्यतीत्येवमुक्त इति ॥६॥
अथासन्नागतं चैनं ते किमूचुरित्याहकयरे तुम इय अदंसणिज्जे काए व आसा इहमागओ सि ? । ओमचेलगा ! पंसुपिसायभूया ! गच्छ खलाहि किमिहं ठिओ सि? ॥७॥
व्याख्या-कतरस्त्वमित्येवमदर्शनीयो द्रष्टुमयोग्यः । कया वाऽऽशया वाञ्छया इह यज्ञपाटके 'मोऽलाक्षणिकः' आगतोऽसि ? । अवमचेलकः पांशुपिशाचभूतः प्राग्वत् । पुनरेतद्ग्रहणमत्यन्ताधिक्षेपदानार्थं गच्छ 'खलाहि' त्ति देश्यत्वाद् अपसरास्मदृष्टिपथात् किमिह स्थितोऽसीति ।।७।।
एवमधिक्षिप्ते मुनावुपशमिततया किञ्चिदजल्पति तद्भक्तो गण्डी यक्षो यदचेष्टत तदाह
___Jain Education International 2010_02
For Private & Personal Use Only
www.jainelibrary.org
