________________
३७४
उत्तरज्झयणाणि-१ व्याख्या-यथा स चतुभिर्गजाश्व-रथ-पदातिरूपैरन्तः शत्रुविनाशात्मकोऽस्येति चातुरन्तश्चक्रवर्ती । महद्धिको दिव्यानुकारिलक्ष्मीकश्चतुर्दशरत्नाधिपतिः । एवं भवति बहुश्रुतः । सोऽपि चतुर्भिर्दानादिधमैरन्तः कर्मारिविनाशोऽस्येति चातुरन्तः । ऋद्धयश्चामऔंषध्यादयः पुलाकलब्ध्यादयश्च महत्योऽस्य सन्तीति महद्धिकः । चतुर्दशरत्नाभानां चतुर्दशपूर्वाणां प्रभुः ॥२२॥ तथा
जहा से सहस्सक्खे वज्जपाणी पुरंदरे ।
सक्के देवाहिवई एवं हवइ बहुस्सुए ॥२३॥ व्याख्या—यथा स सहस्राक्षः पञ्चशतानां मन्त्रिदेवानामक्ष्णां सहस्रस्येन्द्रोपयोगितत्वात् सहस्रनयनः, वज्रमायुधं पाणावस्येति वज्रपाणिः । लोकोक्त्या च पूर्दारणात् पुरन्दरः । शक्रो देवाधिपतिः । एवं भवति बहुश्रुतः । अयमपि श्रुतज्ञानेन सर्वातिशयरत्ननिधानतुल्येनाक्षिसहस्रेणेव जानाति । वज्रस्य रेखालक्षणस्य पाणौ सम्भवाद् वज्रपाणिः । पू: शरीरं विकृष्टतपसा दारयतीति पुरन्दरः । देवानामपि पूज्यत्वात् तत्पतिरपीति ॥२३॥
जहा से तिमिरविद्धंसे उत्तिटुंते दिवायरे ।
जलंते इव तेएणं एवं हवइ बहुस्सुए ॥२४॥ व्याख्या-यथा स तिमिरविध्वंसोऽन्धकारापहन्ता उत्तिष्ठन्नुद्गच्छन् दिवाकरः सूर्यो ज्वलन्निव तेजसा । एवं भवति बहुश्रुतोऽयमपि ह्यज्ञानतिमिरध्वंसः, विशुद्धाध्यवसायतः संयमस्थानेषूत्तिष्ठन्नुत्सर्पन् तपस्तेजसा ज्वलन्निव भवतीति ॥२४॥
जहा से उडुवई चंदे नक्खत्तपरिवारिए ।
पडिपुन्ने पुन्नमासिए एवं हवइ बहुस्सुए ॥२५॥ व्याख्या-यथा स उडुपतिनक्षत्रप्रभुश्चन्द्रो नक्षत्रैरुपलक्षणाद् ग्रहैस्ताराभिश्च परिवारितः । प्रतिपूर्णः सर्वकलोपेतः कदा ? पूर्णिमास्याम् । एवं भवति बहुश्रुतोऽयमप्युडुसमानां साधूनां पतिस्तत्परिवारितश्च ज्ञानादिकलोपेतत्वेन प्रतिपूर्णः स्यादिति ॥२५॥
जहा से सामाइयाणं कोट्ठागारे सुरक्खिए ।
नाणाधन्नपडिपुन्ने एवं हवइ बहुस्सुए ॥२६॥ व्याख्या-यथा स इति प्रसिद्धः सामाजिकानां लोकसमूहानां कोष्ठागारो धान्याश्रयः सुष्ठ दस्यु-मूषकादिभ्यः प्राहरिकादिव्यापारादिना रक्षितः । नाना-शालि
Jain Education International 2010_02
For Private & Personal Use Only
www.jainelibrary.org
