________________
३६८
उत्तरज्झयणाणि-१ ____ व्याख्या-यथा सङ्के पयो दुग्धं निहितं न्यस्तं 'दुहओ वि'त्ति द्विधाऽपि स्वगुणाश्रयगुणलक्षणेन प्रकारद्धयेनापि विराजते कालुष्याम्लतापरिश्रवाभावात् । एवं बहुश्रुते भिक्षौ धर्मो यतिधर्मः कीर्तिस्तथा श्रुतं विराजत इति सम्बन्धः । तत्र तानि हि न मालिन्यमन्यथाभावं हानि वा प्राप्नुवन्ति ।।१५।। पुनर्बहुश्रुतस्तवमाह
जहा से कंबोआणं आइन्ने कंथए सिया ।
आसे जवेण पवरे एवं हवइ बहुस्सुए ॥१६॥ व्याख्या-यथा स काम्बोजानां कम्बोजदेशोद्भवानां प्रक्रमादश्वानां मध्ये आकीर्णः शीलादिगुणैर्व्याप्तः कन्थकः प्रधानः स्यादश्वो यः किल दृषत्खण्डभृतकुतुपनिपातशब्दान्न संत्रस्यति । जवेन वेगेन प्रवरः । एवमित्येतादृशो भवति बहुश्रुतः । जैनवतिनो हि काम्बोजा इवाश्वेषु जाति-जवादिगुणैरन्यधार्मिकापेक्षया श्रुत-शीलादिभिर्वरा एव । बहुश्रुतस्तथाकीर्णकन्थकाश्ववत् तेष्वपि प्रवर इत्यर्थः ।।१६।। किञ्च
जहाइन्नसमारूढो सूरे दढपरक्कमे ।
उभओ नंदिघोसेणं एवं हवइ बहुस्सुए ॥१७॥ व्याख्या—यथा आकीर्णं जात्यादिगुणवदश्वं समारूढः शूरो दृढपराक्रमो गाढवीर्यः । 'उभयो'त्ति उभयतो वामतो दक्षिणतश्च यद्वाग्रतः पृष्ठतश्च नान्दीघोषण द्वादशतूर्यध्वनिरूपेणाथवा नान्दी 'जीयास्त्वम्' इत्याद्याशीर्वचनानि तद्घोषेण बन्दिकोलाहलात्मकेन उपलक्षितो 'विभ्राजत इति शेषः' । एवं भवति बहुश्रुतः । को भावो ? यथैवंविधः शूरो न केनचिदभिभूयते न चान्यस्तदाश्रितोऽपि, तथायमपि जिनप्रवचनाश्वाश्रितः परवादिदर्शने चात्रस्तस्तद्विजयं च प्रति समर्थः । उभयतो दिनरजन्योः स्वाध्यायघोषरूपेण स्वपरपक्षयोर्वा चिरं जीवत्वसौ यो बहुश्रुतत्वेन प्रवचनोद्दीपक इत्याद्याशीरूपेण वा नान्दीघोषेणोपलक्षितः । परतीचैमिथ्याग्भिर्नाभिभवितुं शक्यो न चान्योऽप्येतदाश्रित इति । अत्र श्रीभद्रबाहुस्वामिदृष्टान्तस्तथाहि
सुप्रतिष्ठे प्रतिष्ठानपुरे श्रीमदाधिष्ठिते । धिषणाधिषणप्रख्यौ प्रथितौ दक्षिणापथे ॥१॥ भद्रबाहु-वराही द्वावासीतां वाडवौ वरौ । कुमारौ लघुकर्माणौ नि:स्वतत्वेन निराश्रयौ ॥२।। युग्गम्
Jain Education International 2010_02
For Private & Personal Use Only
www.jainelibrary.org
