________________
३५३
दशमं द्रुमपत्रीयमध्ययनम्
अनुत्तरगुणाम्भोधेः सौमनस्यादमुष्य च । भवोत्तारैकसामग्री प्रव्रज्याऽप्याऽऽपि दुर्लभा ॥८१।। वन्दिष्यते महावीरस्त्रिविश्वैकसुरद्रुमः । तत् क्लेशबीजं मोहारिजित एव सुदुर्जयः ॥८२॥ अदो विशुद्धध्यानाग्निशोधितात्ममलास्तदा । कवलान् केवलत्वेन सेवालाः पर्यणामयन् ।।८३।। घ्रातेष्वथाखिलेष्वेषु गुरुः शेषं तदाहरत् । प्रातिष्ठन्त च सर्वेऽपि सयूथेशद्विपा इव ॥८४।। दूरतोऽप्यातपत्रादिप्रातिहार्यप्रवीक्षणात् । सङ्केतितमिवायासीद् दत्तवर्गेऽपि केवलम् ॥८५।। अथ कौडिन्यवर्गेऽपि जिनवाक्यामृतश्रुतेः । अपूर्वप्रणिधिप्राप्त्योत्पेदे तद् विश्वदीपकम् ।।८६।। नेत्र-खेष्विन्दुसङ्ख्यैस्तैर्मुनिभिर्गणभृद् वृतः । दत्तप्रदक्षिणोऽर्हन्तं चम्पायां क्रमतोऽनमत् ॥८७।। अनुकेवलिसंसत् तान् व्रजतो गौतमोऽवदत् । अनत्वाऽर्हन्तमज्ञा भोः ! माऽन्यतो व्रजत द्रुतम् ।।८८।। अथ वीरोऽवदन्माऽवज्ञासी: केवलगानमून् । गौतमोऽपि ततो मिथ्या दुष्कृतं प्रयतो ददौ ॥८९॥ न मे केवलसंवित्तिरिति दूनं गणाधिपम् । तच्छिरोन्यस्तहस्ताब्ञः प्रावोचज्जगदीश्वरः ॥१०॥ "चतुर्ध्वपि कटेपूच्चैर्भोः ! कम्बलकटोपमः । स्नेहो मयि प्रशस्तोऽस्ति विनीतस्य स्थिरस्तव ॥९१।। ममासि चिरसंसृष्टश्चिरात् परिचितोऽपि हि । तादृशोऽपि स्खलयति स यथाख्यातसंयमम् ॥९२।। तमृते केवलं न स्यात् तत् प्रशस्तोऽप्यसौ मतः । अप्रशस्तस्य तस्यैव निवारकतया सताम् ॥९३।। तन्निवृत्त्योज्ज्वलध्यानप्राप्तेरपरं तत्क्षयात् । केवलं तच्च नः सिद्धौ वीतरागस्य ते ध्रुवम् ॥९४।।
Jain Education International 2010_02
For Private & Personal Use Only
www.jainelibrary.org
