________________
३५१
दशमं द्रुमपत्रीयमध्ययनम्
इत्युदित्वाऽऽददे तस्माद् व्रतचिह्नानि पार्थिवः ।। तस्मै भोग्याखिलक्ष्माणि राज्यलक्ष्माणि दत्तवान् ॥५३॥ विजहार महाराजः स्वयमात्तव्रतस्ततः । कण्डरीकस्तु दुष्कीतिकीर्णकर्णोऽविशत् पुरीम् ॥५४|| रङ्को मुक्तव्रत इति हसितः सेवकैरपि । गत्वाऽथौकस्तथाऽभक्त सरसाहारमुल्बणम् ॥५५।। यथाऽस्याजीर्णदुःस्थस्य गृद्धस्योज्जागरस्य च । प्रादुरासोदरे मृत्युसोदरेव विशूचिका ॥५६॥ लुठन् भुवि पतन् मूर्छन् वैद्यैरप्यकृतौषधः । नाञ्चितः सचिवै सैरप्युदासैनिरीक्षितः ॥५७॥ ततः क्रुद्धोऽयमध्यायद् यदि जीवामि यामिनीम् । तदेषामेष सर्वेषामायुनिःशेषयाम्यहम् ॥५८।। श्यामलेश्यामयध्यानादिति नक्तं विपद्य सः । प्रतिष्ठामप्रतिष्ठाने सप्तमे नरकेऽभजत् ॥५९॥ जिनादिष्टं चिरादिष्टं धर्मं दिष्ट्याऽद्य लब्धवान् । गुरुसाक्षिकरोमीति पुण्डरीकस्त्वचिन्तयत् ॥६०॥ "विवन्दिषुर्गुरून् विश्वप्रथितः प्रस्थितः पथि । अष्टमस्य तपःपुष्टः कृतवान् पारणं मुनिः ॥६१॥ अन्नैर्वेलातिगैः शीतरूक्षैश्च व्यथितो मृदुः । भूचारश्चरणोद्गच्छदसृग् भूरिपरिश्रमः ॥६२॥ ग्रामे वसतिमभ्यर्थ्य तृणसंस्तरणे स्थितः । कदा गुरुपदाभ्यासं यास्यामीति विचिन्तयन्' ॥६३।। साधिताराधनः शुद्धध्यानोऽयं मुनिशेखरः । विपद्य सर्वार्थसिद्धि पुण्डरीकस्तु जग्मिवान् ॥६४॥ तत् श्रुत्वा धनदो पृष्टो येनास्य संशयः । मित्रं सामानिकश्चास्याधीयायाध्ययनं तु तत् ॥६५।। तत्त्वतश्चाप सम्यक्त्वं सोऽथ तुम्बवनास्पदे । सौनन्देयः श्रुतधरो वज्रस्वामी भविष्यति ॥६६॥
Jain Education International 2010_02
For Private & Personal Use Only
www.jainelibrary.org
