________________
३४६
उत्तरज्झयणाणि-१ व्याख्या-नमिर्नमयति स्वतत्त्वभावनया प्रह्वीकरोत्यात्मानं न तूत्सेकं नयति ।
उक्तञ्च
"संतगुणकित्तणेण वि पुरिसा लज्जंति जे महासत्ता ।
इयरे पुण अलियपसंसणे वि हियए न मायन्ति" ॥१॥ किम्भूतः ? साक्षाच्छक्रेण चोदितः प्रेरितः । त्यक्त्वा गेहं 'वेदेहित्ति सूत्रत्वात् विदेहा नाम जनपदः सोऽस्यास्तीति विदेही विदेहदेशाधिपः श्रामण्ये चारित्रभावे पर्युपस्थित उद्यतोऽभूदिति शेषः ॥६१॥
किमयमेवैवंविध उतान्येऽपीत्याह
एवं करिति संबुद्धा पंडिया पवियक्खणा । विणियटुंति भोगेसु जहा से नमी रायरिसि ॥६२॥ त्ति बेमि ॥
व्याख्या-एवमिति यथा तेन नमिना निश्चलत्वं कृतम्, तथाऽन्येऽपि कुर्वन्ति ये ईदृशा दृढसत्त्वभाजो भवन्ति । कीदृशाः ? सम्बुद्धा ज्ञातजीवादितत्त्वाः, पण्डिता मोक्षानुगामिधीमन्तः, प्रविचक्षणाः क्रियां प्रति प्रवीणाः । तथाविधाश्च किं विदधति ? विनिवर्तन्ते उपरमन्ति भोगेभ्यो यथा स नमी राजर्षिस्तेभ्यो निवृत्तः ॥ इति ब्रवीमीति प्राग्वत् ॥६२।। ग्रं० ८५६-२६।। इति श्रीकमलसंयमोपाध्यायविरचितायां सर्वार्थसिद्धौ श्रीउत्तराध्ययनटीकायां
नवमं नमिप्रव्रज्याख्यमध्ययनं समाप्तम् ॥९॥
१. सद्गुणकीर्तनेनापि पुरुषा लज्जन्ते ये महासत्त्वाः ।
इतरे पुनरलीकप्रशंसनेऽपि हृदये न मान्ति ॥१॥
Jain Education International 2010_02
For Private & Personal Use Only
www.jainelibrary.org
