________________
नवमं नमिप्रव्रज्याख्यमध्ययनम्
३४५ मन्दिरं दह्यते इत्याद्युक्तेऽपि मयि सति कथमिदमिति नाहङ्कृतिं कृतवान् । अहो ! ते निराकृता माया, यतस्त्वं पुररक्षाहेतुषु प्राकाराट्टालकादिषु मायाहेतुषु न मनो निहितवान् । अहो ! ते लोभो वशीकृतः, यतस्त्वं हिरण्यादि वर्धयित्वेत्युक्तेऽपीच्छाया आकाशसमत्वमेवोदाहृतवान् । अत एवाहो ! 'ते' तवार्जवं साधु शोभनम्, तथा मार्दवम्, तथोत्तमा क्षान्तिः, तथा मुक्तिरुत्तमा इत्यत्रानानुपूर्व्या अपि व्याख्याङ्गत्वाद् व्यत्ययनिर्देश इति गाथाद्वयार्थः ॥५६-५७॥ फलद्वारेण स्तुतिमाह
इहं सि उत्तमो भंते ! पेच्चा होहिसि उत्तमो ।
लोगुत्तमुत्तमं ठाणं सिद्धि गच्छसि नीरओ ॥५८॥ व्याख्या-इहास्मिन् जन्मन्यसि भवसि उत्तम उत्तमगुणोपेतत्वात् । हे भदन्त ! पूज्य ! प्रेत्य परभवे भविष्यस्युत्तमः । लोकस्योत्तममुपरिवर्ति लोकोत्तममुत्तमं देवलोकाद्यपेक्षया प्रधानं लोकोत्तमं स्थानं किं तत् ? सिद्धि 'गच्छसि' त्ति सूत्रत्वाद् गमिष्यसि नीरजा निष्कर्मा ॥५८।। उपसंहर्तुमाह
एवं अभित्थुणंतो रायरिसिं उत्तमाइ सद्धाए ।
पायाहिणं करितो पुणो पुणो वंदए सक्को ॥५९॥ व्याख्या-एवमभिष्टुवन् राजर्षिमुत्तमया श्रद्धया प्रदक्षिणां कुर्वन् पुनः पुनर्वन्दते शक्रः ॥५९।। पुनर्यत् कृतवांस्तदाह
तो वंदिऊण पाए चक्कंकुसलक्खणे मुणिवरस्स ।
आगासेणुप्पईओ ललियचवलकुंडलकिरीडी ॥६०॥ व्याख्या-ततो वन्दित्वा पादौ चक्राङ्कशलक्षणौ मुनिवरस्य नमः । आकाशेनोत्पतितो ललिते सविलासतया, चपले चञ्चलतया कुण्डले यस्य स चासौ किरीटी च मुकुटवान् ललितचपलकुण्डलकिरीटीति ॥६०॥ एवं स्तूयमान स किमुत्कर्षं कृतवान् ? नेत्याह
नमी नमेइ अप्पाणं सक्खं सक्केण चोइओ । चइऊण गेहं वेदेही सामण्णे पज्जुवट्ठिओ ॥११॥
Jain Education International 2010_02
For Private & Personal Use Only
www.jainelibrary.org
