________________
३२८
उत्तरज्झयणाणि-१ तदा प्राग्भववृत्तान्तमाकर्ण्य व्यन्तरोदितम् । आसीत् कनकमालायाः प्राग्वर्णितभवस्मृतिः ॥१२२।। ययाचे व्यन्तरं साऽथ तमेवात्र भवे पतिम् । देहि येन निजं जन्म कृतार्थं करवाण्यहम् ॥१२३।। सुरोऽप्याह सुते ! भर्ता देवो भूत्वा च्युतः क्रमात् । राज्ञो दृढरथस्याभूत् पुत्रः सिंहरथाभिधः ॥१२४।। वक्राश्वेन हृतोऽत्रैव स एष्यति नगे स्वयम् । अस्यां वेद्यादिसामग्र्यां ध्रुवं त्वां परिणेष्यति ॥१२५।। जागरूकाणि वर्तन्ते भागधेयानि ते ततः । निराकुलाऽत्र तिष्ठ त्वं यावदायाति स क्षणः ॥१२६।। व्यन्तरस्त्वधुना मेरुं गतोऽस्ति जिनवन्दकः । आर्यपुत्र ! त्वमप्यागा अपराह्नेऽद्य तावता ॥१२७।। साऽहं कनकमालास्मि ययोत्सुकतया भृशम् । विवाहे तस्य तातस्य नागमाय प्रतीक्षितम् ॥१२८|| इमां श्रुत्वा कथां जातिस्मरः सिंहरथोऽभवत् । व्यन्तरोऽप्यागतस्तावदप्सरःपरिवारितः ॥१२९॥ तद् वीक्ष्य निभृतं हृष्टोऽस्पष्टयद् रम्यमुत्सवम् । मध्याह्नेऽथ नृपोऽर्हन्तमभ्याभुङ्क्त सद्विधिः ॥१३०॥ देवप्रसादसम्पूर्णाशेषकामक्षितीश्वरः । मासमत्र नगे पत्नीयुक्तो निन्ये क्षणार्धवत् ॥१३१॥ नृपोऽन्यदा प्रियामाख्यच्छत्रुवर्गो निरर्गलः । उपद्रोष्यति मे राज्यं तद् यामि पुरमेकदा ॥१३२।। अनुमन्यस्व मां प्राप्तं पञ्चमेऽयत्र वीक्षसे । साऽप्याह योषितां कान्तवचः सिद्धान्तसन्निभम् ॥१३३।। किन्तु प्रज्ञप्तिविद्यां मद् गृहाण सुखमेतया । यातायातं भवेद् व्योम्ना भूपथे हि श्रमाय तत् ।।१३४।। प्रियातस्तामथासाद्य साधयित्वा च खाध्वना । प्रत्यागान्नगरं राजा नागरैः कृतमङ्गलम् ।।१३५।।
Jain Education International 2010_02
For Private & Personal Use Only
www.jainelibrary.org
