________________
३२३
नवमं नमिप्रव्रज्याख्यमध्ययनम्
देव्याह सखि ! किं चित्रं तस्याः सञ्जीवकः पिता । सहोद्भूतस्तु सोदर्यस्त्यक्तभक्तः परं पतिः ॥५३॥ पृष्टा भूयस्तयाऽऽख्यानमाख्यन्नरवराङ्गना । पूरे सुरपुरे भूपः समृद्धोऽभून्नृवाहनः ॥५४॥ रत्नालोकादलङ्कारान् हेमकारैरजीघटत् । गुप्तभूमिगृहे क्वापि पत्न्यै निर्भानुरोचिषि ॥५५॥ स्वर्णाध्यक्षाय तत्रैकः कश्चिन्नाडिन्धमोऽवदत् । प्रदोषसमयो जज्ञे संवृणुपस्करं ततः ॥५६॥ प्रदोषं कथमज्ञासीदिति प्रश्ने सखीकृते ।। तथैवायपरे राज्ञी तदाख्यत् प्राप्तवारका ॥५७।। दिवसान्तं निशाऽन्धत्वात् कलावित् तत्र वेदः सः । अन्यच्चाख्यानमारेभे सा सखी प्रति तद् यथा ॥५८॥ राज्ञा केनाप्यवध्यौ द्वौ बन्धयोग्यौ मलिम्लचौ । पेटायां न्यस्य नीरन्ध्यां मध्ये वारिधेर्वाहितौ ॥५९॥ कैश्चिद् दिनैस्तटे क्वापि तां पेटां प्राप्य कश्चन । उद्घाट्यावोचदद्यायं कतिथो वामभूद् दिनः ? ॥६०॥ एतस्तत्राह तुर्योऽद्य दिनस्तद् वेत्त्यसौ कथम् ? । सैवान्येधुस्तथैवाह स तुरीयज्वरी यतः ॥६१॥ अन्यच्च क्वचिदप्यासीन्निवेशे कश्चिदौष्ट्रिकः । वल्लभं करभं कञ्चित् सुवनेऽचारयच्चिरम् ॥६२।। मरुप्रियेण तेनापि प्रविलोकयताऽचिरात् ।। क्वचित् पत्रफलैराढ्यऽदर्शि बब्बूलपादपः ॥६३।। तदुपान्तमथागत्य सरलीकृतकन्धरः । ताम्यति स्मैष तं भक्ष्यं चिखादिषुरनाप्नुवन् ॥६४॥ कथमप्यनवाप्याथ मत्सरच्छुरितान्तरः । तस्य भूमीरुहो मौलावुत्ससर्ज मलं क्रुधा ॥६५।। ग्रीवाग्रेणाप्यनाप्येऽस्मिन् कथमुष्ट्रोऽत्यजन्मलम् ? । तथैवान्येधुराहैषा कूपान्तः स हि पादपः ॥६६॥
Jain Education International 2010_02
For Private & Personal Use Only
www.jainelibrary.org
