________________
३२१
नवमं नमिप्रव्रज्याख्यमध्ययनम्
तां वीक्ष्य कायचिन्तार्थी बहिश्चित्राङ्गदोऽगमत् । सा विमुच्यान्नमाच्छाद्यादत्त तद्वर्णकान् करे ॥२५॥ तैरेषा केकिनः पिच्छमलिखत् कुट्टिमोपरि । सूक्ष्मतूलिकया साक्षादक्षेपेण मनोहरम् ॥२६॥ राजाऽप्यत्रान्तरे तत्रैकाकी तच्चित्रमीक्षितुम् । प्राप्तोऽङ्गणतले साक्षाद् बर्हभ्रान्त्याऽक्षिपत् करम् ॥२७॥ तत्रैष नखनिर्भङ्गविलक्षो दिक्षु दत्तदृक् । सोत्प्रासमिदमाख्यायि चित्रकृत्सुतया तया ॥२८॥ मञ्चकस्य त्रयः पादा ममाभूवन् पुरापि हि । भाग्याल्लब्धो मया तुर्यस्त्वमद्याज्ञशिरोमणिः ॥२९॥ केऽमी इति नृपप्रश्ने साप्याह सुभगाक्षरम् । आद्यः स योऽद्य साद्यश्वं राजमार्गेऽप्यवाहयत् ॥३०॥ सुतादिभूरितन्त्राणामन्येषामिव मत्पितुः । वृद्धस्यैकस्य निःस्वस्य राट् द्वितीयः समांशदः ॥३१॥ तृतीयो मत्पिता क्षीणाशेषार्थः परकर्मणा । कवोष्णान्ने मयाऽऽनीते याति यः सरलो बहिः ॥३२।। अप्रेक्षापूर्वकृच्चित्रबहे करमवाहयः । चतुर्थस्त्वमतो मह्यं तेभ्योऽपि खलु रोचसे ॥३३।। तस्या वचनवैचित्र्यचमत्कृतमना नृपः । सन्निवेश्य मनस्तस्यां परतोऽगच्छदात्मना ॥३४॥ आपृच्छय मन्त्रिणं भृत्वा चित्राङ्गगृहं धनैः । उपयेमे महाभूत्या नृपः कनकमञ्जरीम् ॥३५।। नृपप्रसादमासाद्य गणैः शिल्पिसुताऽपि सा । सर्वासां राज्यवंश्यानां सपत्नीनामुपर्यभूत् ।।३६।। अगोप्यहृदया तस्या दासी मदनिकाऽभिधा । सखीव प्रेमपात्रत्वादासीद् विश्वासभाजनम् ॥३७।। तद्वासवेश्म सम्प्राप्तेऽन्यदा भूपे रतिक्लमात् । सुषुप्सति सुखी तस्याः पूर्वं सङ्केतिताऽवदत् ॥३८॥
Jain Education International 2010_02
For Private & Personal Use Only
www.jainelibrary.org
