________________
३१९
नवमं नमिप्रव्रज्याख्यमध्ययनम्
रत्नसिंहादिजन्मात्तव्रतश्रुतमपि स्मरन् । कङ्कणानामिवैकत्वे निर्बाधं पर्यभावयत् ॥१६५।। पुरमन्तःपुरं राज्यं विहायैकपदेऽखिलम् । नमिः प्रत्येकबुद्धोऽभूत् संयमी विमलाशयः ॥१६६।। विरागमार्गाभिव्यक्तिहेत्वितश्चरितं परम् ।
नमेर्यदस्ति तत्सूत्रव्याख्यायां ज्ञापयिष्यते ॥१६७॥ इति नमिप्रत्येकबुद्धः ॥३॥
रम्यं गान्धारदेशेऽस्ति पत्तनं पुण्ड्रवर्धनम् । नृपः सिंहरथोऽत्राभून्नीतिस्फीतिनिकेतनम् ॥१॥ अन्यदोपायनप्राप्तौ तुरङ्गावुत्तरापथात् । अवाञ्छत् तद्गतिं द्रष्टुं कौतुकान्नृपत्तिः स्वयम् ॥२॥ एकस्मिन् स्वयमारूढः परस्मिस्तत्सुतो हरौ । एवं जगाम वाह्याल्यां वृतोऽयं सादिनां शतैः ॥३॥ भ्रमण-प्लवनाद्यस्य नाना कृत्वा परीक्षणम् । मुक्तो गत्याऽथ पञ्चम्याऽश्वो ययौ प्लुतसंज्ञया ॥४॥ वल्गां यथा यथाऽऽकर्षद् बलोत्कर्षान्नरेश्वरः । वक्रानुशासनादश्वोऽप्यधावत तथा तथा ।।५।। स्थितेऽखिले परे सैन्ये तेन नीतो नरेश्वरः । महाटवीं श्रमाद् वल्गां व्यमुचत् पाणिपल्लवात् ॥६।। ततस्तस्थावसौ भूपोऽप्युत्ततार तरोरधः । नियन्त्र्यैनं प्राणवृत्तिं चकार सलिलैः फलैः ॥७॥
आरुरोह ततः सायं नृपः कञ्चन भूधरम् । प्रासादमेकमद्राक्षीत् तत्र चैकाकिनी कनीम् ॥८॥ सा तस्मै मनसा सार्धं राजे सिंहासनं ददौ । तत्रासीनो विशामीश: प्रियालापेन तां जगौ ॥९॥ का त्वं नगेऽत्र वासः किं किं सौधं कोऽत्र रक्षिता ? । ममाश्चर्यकरं सर्वं बालेऽदः प्रतिभासते ॥१०॥
Jain Education International 2010_02
For Private & Personal Use Only
www.jainelibrary.org
