________________
३१७
नवमं नमिप्रव्रज्याख्यमध्ययनम्
अदूरस्थं महानन्दमविबाधाकरं तपः । आत्मनः स्नानमजडं मेने मातुः स दर्शनम् ॥१३७॥ तदनूचे च सद्युक्त्या ज्यायान् मे मान्य एव हि । परं मातरबद्धास्यो दुष्प्रत्याज्यो ह्ययं जनः ॥१३८।। ज्येष्ठं बन्धुं नमिश्चन्द्रं नत्वा चक्रे पराजितः ।। इतीरयन् कथं वार्यो मातरुच्छृङ्खलो जनः ? ॥१३९।। ज्येष्ठः कनिष्ठवात्सल्याच्चन्द्रोऽभ्यायाति चेत् पुरः । तदा तदाज्ञयावश्यं वर्तितव्यं मया मुदा ॥१४०॥ मान-कीर्योर्लोभ-तष्णे वीराणां न धनायषोः । श्रुत्वेत्यन्तःपुरं साऽगात् साध्वी चन्द्रयशोऽन्तिके ॥१४१॥ प्राप्तामकस्माज्जननीं ववन्देऽसौ मुदां पदम् । अपृच्छद् वृत्तमौत्सुक्याद् गर्भस्थस्यानुजन्मनः ॥१४२।। तं तस्मै साऽनुजन्मानं नमिमज्ञापयत् क्रमात् । स तच्छ्रुत्वा त्रपा-प्रीति-प्रमोदैानशेऽधिकम् ॥१४३॥ कलत्रं सम्पदः पुत्राः सुहृदः सुलभाः सताम् । लोके सहोदरो बन्धुः कुशलैरेव लभ्यते ॥१४४॥ चन्द्रो द्रुतमथोत्थाय स्वयं सानुचरो बहिः । आगच्छन् नमिनाऽभ्येत्य भूपीठलुठता नतः ॥१४५।। चन्द्रो नमिं समुद्धृत्याश्लिष्यन् प्रणयपूरितः । न तृप्ति प्राप तद्वक्त्रालोकनालिङ्गनादिषु ॥१४६।। चित्रस्थेष्विव तच्चित्रदर्शनाद् नृषु सर्वतः । सुदर्शनपुरैश्वर्यं चन्द्रो द्राग् नमये ददौ ॥१४७।। स्वयं तु व्रतमादत्त व्रतादाने हि तादृशाः । इक्ष्वाकवः प्रतीक्षन्ते नवरं राज्यधूर्धरम् ॥१४८।। मिथिलाया अवन्तीनामीश्वरोऽभूत् ततो नमिः । अभूदेतस्य साम्राज्यं स्पृहणीयं हरेरपि ॥१४९॥ महीमहीनाहीनाङ्गभुजो दधे तथा नमिः । यथाऽन्यनृपसाम्राज्यनिःस्पृहोऽभूज्जनोऽखिलः ॥१५०।।
Jain Education International 2010_02
For Private & Personal Use Only
www.jainelibrary.org
