________________
नवमं नमिप्रव्रज्याख्यमध्ययनम्
महासत्त्व ! प्रसूताऽहमद्यैव तनुशुद्धये । सरो गताऽम्बुनागेनोत्क्षिप्ताऽऽत्ता च त्वयाऽधुना ॥५७।। अद्य जातोऽर्भकोऽरण्ये हिंस्रापादयिष्यते । तत् तत्र नय मां तं वाऽत्रानयार्य ! ममाङ्गजम् ॥५८॥ हतो भर्ता ज्येष्ठभीत्या त्यक्ता पुत्रान्विता पुरी । वियोजयसि किं तेन मां बालेन निराश्रयाम् ? ॥५९।। आकाशकुट्टनप्रायकटाक्षक्षेपपूर्कम् । सोऽप्युवाचास्ति गन्धारदेशे रत्नावटं पुरम् ॥६०॥ मणिचूडोऽत्र विद्याभून्नपोऽस्य कमलावती । प्रिया मणिप्रभस्तस्याङ्गजोऽहमतिवल्लभः ॥६१।। तातो न्यस्य मयि श्रेणिद्वयीचक्रित्वमात्मना । आत्तव्रतश्चतुर्ज्ञानी सोऽस्ति नन्दीश्वरेऽधुना ॥६२।। तं च चैत्यानि चानन्तुं यानहं त्वामवाप्य खे । निवृत्तस्तन्मया साधू सुभ्र ! भुझ्वोल्बणां श्रियम् ॥६३।। सिद्धप्रज्ञप्तिविद्योऽहं जाने नूनं तवाङ्गजम् । मिथिलेन्द्रो हयानीतः प्रेम्णा निन्ये वनात् पुरीम् ॥६४॥ तच्छुचं मुञ्च पश्येमं प्रेम्णाऽऽदेशकरं जनम् । भविष्यन्ति पुनः पुत्रा बहवोऽपि महारथाः ॥६५।। श्रुत्वेति निभृतं वज्राहतेवार्तिमुपेयुषी । वीप्सयाऽऽपत्करं दैवमेवोपालब्ध सा सती ॥६६।। निर्विवेकः स्मरार्तोऽङ्गी जानीयान्न हिताहितम् । तदुपायं दधे किञ्चिच्छीलरक्षार्थमात्मनः ॥६७।। ध्यात्वेति स्वादु साऽवादीदार्येदं मतमेव मे । नय नन्दीश्वरं किन्तु तत्र त्वत्प्रियमादधे ॥६८|| ततो नीत्वा सहर्षस्तां विमानेन मणिप्रभः ।। नन्दीश्वरे द्विपञ्चाशच्चैत्यान्यनमयत् क्षणात् ॥६९।।
Jain Education International 2010_02
For Private & Personal Use Only
www.jainelibrary.org
