________________
३०८
उत्तरज्झयणाणि-१ स्वस्ववस्तुनि सन्तोषः सतां तत् तिष्ठ सत्पथे । दुःखं क्षणैकसौख्यार्थे कल्पसह्यं किमार्जयः ? ॥१५।। श्रुत्वेति त्रपितः क्षमापो निवृत्त्येदमचिन्तयत् । स्वकामितं करिष्यामि व्यापाद्यापि स्वबान्धवम् ॥१६॥ रजन्यामन्यदा स्वप्ने पुण्यान्मदनरेखया । पूर्णेन्दुः शारदो दृष्टः शिष्टश्च युगबाहवे ॥१७॥ सर्वोर्वीवासवः सूनुस्तव भावीति सोऽवदत् । व्याख्या श्रुति-जिनार्चानां दोहदं चाप्यपूरयत् ॥१८॥ स्पृहणीये वसन्ततॊ युगबाहुस्तया सह । कुर्वन्नुपवने केलि कर्हिचिद् दिनमत्यगात् ॥१९॥ निशि श्रान्तश्च तत्रैव स्वल्पतन्त्रः प्रियायुतः ।। अभीः सुरभिते पुष्पैस्तस्थिवान् कदलीगृहे ॥२०॥ नृपस्तं छिद्रमुत्प्रेक्षाभ्यगात् तत्रोदसिनिशि । किमरण्ये स्थितो बन्धुर्दम्भेनेति स्फुटं वदन् ॥२१॥ केलीगृहं प्रविश्याशु प्रबुद्धं विनयोत्थितम् । प्रणतं बान्धवं स्कन्धे निजघान शितासिना ॥२२॥ करादपाति ही ! शस्त्रं निहतः सोदरो हहा ! । इति प्रपञ्चयन् वीरानपसार्य स निर्ययौ ॥२३॥ तुमुलान्मिलिते लोकेऽभ्यागाच्चन्द्रयशाः स्वयम् । आदाय त्वरितं मन्त्रि-शस्त्रघातचिकित्सकान् ।।२४।। युगबाहोर्वपुर्वीक्ष्य च्युतनिःशेषशोणितम् । व्रणकर्मणि मर्मज्ञैवैद्यैस्त्यक्तस्तदादरः ॥२५।। क्षणान्तरे प्रणष्टा वाग् नेत्रयुग्मं निमीलितम् । अनिष्पन्दानि चाङ्गानि दन्ताश्चासन्नसंवृताः ॥२६॥ भर्तुर्मदनरेखापि विज्ञायेत्यन्तिमां दशाम् । प्रोवाच धैर्यमालम्ब्योपकर्णं तत्क्षणोचितम् ॥२७॥ "शृणु प्राणेश ! मे वाक्यं मोहं देहादिषु त्यज । धर्म स्वीकुरु जैनेन्द्रं त्यजाति रौद्रतामपि ।।२८।।
Jain Education International 2010_02
For Private & Personal Use Only
www.jainelibrary.org
