________________
नवमं नमिप्रव्रज्याख्यमध्ययनम्
आह्वाय्य स्थपतीनेवं दिदेशाथ विशाम्पतिः । शालां चित्रोचितां वेगात् कुरुध्वं चित्रकारिणीम् ॥७॥ उपाक्रामन्त भूशुद्धिमाधातुं तेऽपि तत्कृते । तस्यां विधीयमानायामथ पञ्चमवासरे ॥८॥ दिक्सर्पितेजसाऽत्यर्कः प्राप्तोऽशंसि महीभुजे । जात्यरत्नमयोत्तंसः पुरुषैरधिकारिभिः ॥९॥ सोऽपि तुष्टमना मौलि तमलात् क्षणपूर्वकम् । वस्त्रादिभिर्यथौचित्यं स्थपत्यादीनपूपुजत् ॥१०॥ अथाचिरेण निष्पन्नां विशदां चित्रसंसदम् । अलञ्चक्रे महीजानिः सुमुहूर्ते महोत्सवैः ॥ ११॥ तत्र सिंहासनासीनः शिरसोत्तंसमादधे । तारायामिव तद्रत्नेऽभवद् द्रष्टुर्मुखच्छविः ॥ १२॥ तेन द्विमुख इत्येष नृपतिर्विश्रुतोऽभवत् । तद्दिव्यमौलिमाहात्म्यात् प्रतापी चाजनि क्रमात् ॥१३॥ गुणमालाभवास्तस्य तनयाः सप्त जज्ञिरे । करोति स्त्रीस्वभावत्वात् सुता नास्तीति साऽधृतिम् ||१४|| मदनाख्यं महायक्षमानर्चे तत्कृतेऽथ सा । तत्प्रभावाद् दधौ गर्भं घनमालेव विद्युतम् ॥१५॥ कल्पद्रुमञ्जरीस्वप्नसूचितां कन्यकां क्रमात् । सासूत सोत्सवं चक्रे नाम्ना मदनमञ्जरी ||१६|| वर्धमाना क्रमाद् बाल्यमुक्ता तारुण्यसङ्गता । रूप-सौभाग्य-साम्राज्यराजधानीव साऽभवत् ॥१७॥
इतश्च दूताच्छुश्रावावन्त्यां प्रोतभूपतिः । जयस्य तादृशोत्तंसाद् द्विमुखत्वं सुविस्मितः ||१८|| विससर्ज ततो दूतमुपतन्मौलिलुब्धधीः । देह्येतदथवा युद्धसज्जः स्या इत्यचीकथत् ॥ १९॥ यजोऽप्युवाच तं दूतं मुकुटो दीयते मया । प्रद्योतोऽपि परं मह्यं ददात्वेतन्महीभुजे ॥२०॥
For Private & Personal Use Only
Jain Education International 2010_02
३०३
www.jainelibrary.org
