________________
३०४
उत्तरज्झयणाणि-१ द्विपो नलगिरिर्जाया शिवादेवी रथोऽग्निभीः । वज्रजङ्घस्तथा दूतो मृग्यमेतच्चतुष्टयम् ॥२१॥ प्रत्यावृत्त्याथ दूतेन प्रद्योताय निवेदिते । स चुकोप परं राज्यसारस्य परिमार्गणात् ।।२२।। चतुरङ्गचमूपेतस्तं हठादभ्यषेणयत् । द्विपञ्चलक्षहस्त्यश्वसप्तकोटिपदातिभिः ॥२३॥ पञ्चालसीमसम्प्राप्तं द्विमुखोऽपि तमभ्यगात् । गारुडाम्भोनिधिव्यूहप्रधानोऽभूत् तयो रणः ॥२४॥ जायमाने नि:समाने दुर्लक्षे दारुणे रणे । अनेके मिमिलुर्कोम्नि देवताः कौतुकाकुलाः ॥२५॥ मौलिरत्नप्रभावेन प्रद्योतबलवारिधिम् । भटकोटिसुरोपेतो ममन्थ जयमन्दरः ॥२६॥ क्षणाज्जग्राह्य जीवन्तं प्रद्योतं त्रस्तसैनिकम् । वाद्यमानजयातोद्यमनैषीन्नगरं जयः ॥२७॥ सुवर्णनिगडाबद्ध: प्रद्योतस्तत्र तस्थिवान् । सुखेन स्नान-युवती-भोग-सद्भोजनादिभिः ॥२८।। चरन्ती कुट्टिमे दृष्ट्वाऽन्यदा मदनमञ्जरीम् । दग्धः कामाग्निना बाढं नात्मानमपि वेद सः ॥२९।। अन्तस्तापभराक्रान्तः कथञ्चिदपि यामिनीम् । व्यतीत्य प्रातरास्थानमायातोऽवन्तिनायकः ॥३०॥ तं तथा म्लानवदनमालोक्य द्विमुखोऽवदत् । राजन् ! किं बाधते तेऽङ्गं केनचिद् दूमितोऽथवा ? ॥३१॥ न्यग्मुखो लज्जया मौनी पृष्टस्तेनाथ वीप्सया । कि हियेति सुनिःश्वस्य प्रद्योतो द्विमुखं जगौ ॥३२॥ राजन् वाच्यं किमस्तीह दुष्टोऽयं स्मरकेशरी । पीडयन् निखिलं विश्वं ज्ञात एव भवादृशाम् ॥३३॥ मुमूर्षोर्मदनार्तस्य क्रुद्धस्याथ च रोगिणः । अतिवृद्धस्य बालस्य कुतो मत्तस्य च त्रपा ? ॥३४॥
Jain Education International 2010_02
For Private & Personal Use Only
www.jainelibrary.org
