________________
२९४
उत्तरज्झयणाणि - १
करकण्डुस्तदोपान्तवर्ती तच्चतुरोऽशृणोत् । विप्रोऽप्येकोऽथ विहृते पुरस्तस्मिन् मुनिद्वये ॥१०२॥ वर्धतामेष मे भूमिसम्पन्नश्चतुरङ्गुलम् । पश्चादप्यहमादातेत्यभूत् सुस्थोऽवकीर्णकः ॥१०३॥ विप्रस्त्वचिन्तयद् धीमान् भाग्यश्रव्यमिदं वचः । मुनीनां नान्यथा भावि वेदस्य वचनं यथा ॥ १०४॥ तदस्य ग्रहणे यत्नं करोम्यचिरकालतः । श्रेयांसि बहुविघ्नानि श्रूयन्ते वाङ्मयेषु यत् ॥ १०५ ॥ साधुवाक्याञ्जनेनायं निधानमिव वीक्षितः । पश्चादभाग्ययोगेन मा स्म यासीददृश्यताम् ॥१०६॥
साम्प्रतं त्वयमग्राह्यो विघ्नाय च विलम्बितम् । प्रपञ्चः कोऽपि तत् कार्य इति तस्थौ द्विजः क्षणम् ॥१०७॥ जातधीः स महीपीठं चखान चतुरङ्गुलम् । तमुद्दधार सहसाऽऽदाय हृष्टस्ततोऽचलत् ॥ १०८ ॥ भाग्यवान् करकण्डुस्तं यान्तमालोक्य दण्डिनम् । तमाच्छिद्याददे तस्मादथारेभे कलिं द्विजः ॥१०९॥ मिलितेऽथ जने प्राह करकण्डुरसौ द्विजः । जहार चौरवद् वंशं मदीयप्रेतभूमितः ॥ ११० ॥ स्वं वस्तु न सहेऽन्यत्र तन्मयोच्छिद्य गृह्यते । लोभाभिभूतहृदयो वृथाऽयं कलहायते ॥ १११॥ यदि स्वर्णसहस्रं मे ददात्येष तथाऽप्यहम् । न दाताऽमुं मनोऽभीष्टचिन्तामणिरयं यतः ॥ ११२ ॥ सप्तमे दिवसे राज्यं लब्धाऽस्म्येतत्प्रभावतः । जहासैतत् समाकर्ण्य लोको बालकवागिति ॥ ११३॥ ऊचे च जायते राज्यं यदि तेऽस्य प्रभावतः । अभिरामस्तदा ग्रामो दातव्योऽस्मै द्विजाय ते ॥ ११४ ॥ एवं लोकोऽन्तरागत्य निराकार्षीत् तयोः कलिम् । प्रद्विष्टाऽभूत् परं विप्रः स्वजातीयानमेलयत् ॥ ११५ ॥
For Private & Personal Use Only
Jain Education International 2010_02
www.jainelibrary.org
