________________
२९१
नवमं नमिप्रव्रज्याख्यमध्ययनम् अपि च
यदा वातक्षुब्धाम्बुनिधिलहरीचञ्चलतरं, बलं लक्ष्मी: स्नेहः परिजनजने यौवनमपि । स्थिरस्वात्मैवैकः शुभपथगमीति व्यवसितं; तदा क्लेशोद्विग्नं परमपदवीं वाञ्छति मनः ॥६२॥ श्रुत्वाऽनुशासनमिदं परं संवेगमागता । उपप्रवर्तिनिप्रात्तव्रताऽभूत् कुशलार्थिनी ॥६३।। न मां प्रव्राजयिष्यन्ति गुर्विणीमिति नाभ्यधात् । पतिन्यासमसौ पृष्टं प्रवर्तिन्या व्रतोत्सुकी ॥६४।। कियद्दिनात्यये गर्भलक्षणेषु स्फुटेष्वथ । निर्ग्रन्थीषु विषण्णासु महाऽपभ्राजनाभयात् ॥६५॥ महासति ! किमेतत् ते जातं लोकद्वयाहितम् । इत्याख्यान्त्याः प्रवतिन्याः सा स्वभावं न्यवेदयत् ॥६६।। प्रच्छन्नं रक्षिता काले प्रभाभासितदिक्तटम् । अजीजनत् सुतं साऽथ पूर्वा दिगिव भास्करम् ॥६७।। दीपवद् दीप्यमानाङ्ग रूपवन्तमनङ्गवत् । प्रेक्ष्य सा तनयं स्वीयं निर्ममाऽपि मुदं दधे ॥६८।। पितुर्नामाङ्कितां मुद्रां क्षिप्त्वा बालकराङ्गुलौ । स्मशाने साऽत्यजद् यत्नाद् रत्नकम्बलवेष्टितम् ॥६९।। देवतानां कुमारोऽयं किं वा पातालवासिनाम् ? । अनिरुद्धकुमारो यः श्रूयते सोऽयमेव वा ? ॥७०॥ अथवाऽहमपुत्रोऽस्मि तेन मे कुलदेवता । एनं सुतमदाद् नूनं पूज्यमाना दिवानिशम् ॥७१।। इत्याशङ्काकुलः स्फारनेत्रः सानन्दमानसः । स्मशानपालकोऽभ्येत्य तमादत्त स्तनन्धयम् ॥७२॥ युग्मम् निर्ग्रन्थ्यां वीक्षमाणायां स लात्वा बालकं करे । निधानमिव सम्प्राप्तं भार्यायै प्रददौ मुदा ॥७३॥
Jain Education International 2010_02
For Private & Personal Use Only
www.jainelibrary.org
