________________
२८०
उत्तरज्झयणाणि-१ ततः सा हृष्टहृदया समासात् स्नान-भोजनम् । दत्त्वा चाल्पानि वासांसि प्रददौ सर्वतोऽभयम् ॥९॥ सोऽपि प्राप्याभयं राज्यादधिकं बुबुधे मुदा । सत्यं हि जीवितव्यार्थी मुञ्चेदैश्वर्यमप्यहो ! ॥१०॥ अथ राजाह का जातिः को देशः काभिधा तव ? । भद्राकारतया ह्येतद् विरुद्धं चौर्यकर्म ते ॥११॥ चौरः प्रोचे शृणु स्वामिन्नहं विन्ध्यपुरेशितुः । विन्ध्यधात्रीधवस्यातिप्रीतस्य श्रेष्ठिनः सुतः ॥१२॥ वसुदत्ताभिधेयस्य वसन्ताख्योऽस्मि लालितः । पालितः पाठितोऽत्यर्थं वणिक्कन्यां विवाहितः ॥१३।। दुष्कर्मवशत: सोऽहं द्यूतासक्तोऽभवं पुनः । नामुचं व्यसनं चैतत् पित्राद्यैः शिक्षितोऽप्यलम् ॥१४॥ ततो विज्ञप्य भूपालं पित्रा निःसारितो गृहात् । भ्रामं भ्रामं भुवं भिक्षावृत्त्या जीवामि कष्टतः ॥१५॥ द्यूतेन रममाणोऽहं तच्च द्रव्यं विना न हि । अनन्योपायकश्चौर्यप्रवृत्तस्त्वन्नरैधृतः ॥१६॥ शूलारोपे समादिष्टे कम्पमानो भयादहम् । नेव-ग्रहाब्धिसङ्ख्याभिस्त्वत्पत्नीभिश्च साञ्जसम् ॥१७॥ स्वगेहे भोज्यमानोऽपि सुस्निग्धाहारभोजनम् । प्रकाममुपभुञ्जानः शब्दादिविषयानपि ॥१८॥ न तथा तुष्टिमापेदे शून्यचित्त इवाभवम् । वृकदृष्ट्या मृग इव प्रातः स्वीयां मृतिं स्मरन् ।।१९।। त्रिभिर्विशेषकम् ततोऽन्त्यत्वत्प्रियाशीलमतीसद्मनि किञ्चन । भुक्तमात्रोऽप्यहं तुष्टो यावज्जीवाभयार्पणात् ॥२०॥ प्रसन्नेन नृपेणाथ शीलमत्याः प्रमोदतः । पट्टराज्ञीपदं दत्तमभयं हीप्सितप्रदम् ।।२१।। सा च शीलमती शुद्धधर्मकर्मसु कर्मठा । जीवरक्षाप्रभावेण जज्ञे सुगतिभागिनी ॥२२।।
Jain Education International 2010_02
For Private & Personal Use Only
www.jainelibrary.org |
