________________
२७५
अष्टमं कापिलीयमध्ययनम्
क्ष्माप ! साम्प्रतदर्शी त्वं न विमर्टाऽस्यनागतम् । यत् तुच्छान् नोज्झसे भोगान् परिणामे सुदारुणान् ।।७६।। एवमाधुपदिश्यैष धर्मलाभ्य धरेश्वरम् । निर्ययौ समितीर्गुप्तीर्दधानो व्यहरद् भुवि ॥७७।। तस्योग्रतपसस्तीव्रब्रह्मणो निरहङ्कृतेः । निर्ममस्यासहायस्यास्खलितव्रतधारिणः ॥७८॥ अप्रमत्तस्य षण्मासपर्यायस्य महामुनेः । प्रकाशकं समुत्पेदे कपिलस्यास्य केवलम् ॥७९॥ युग्मम् अनुराजगृहं यातोऽरण्येऽष्टादशयोजने । तस्करा बलभद्राद्याः ख-ख-बाणमिता: (५००) पथि ॥८०।। अरौत्सुरस्य पन्थानं प्राहुश्चास्मान् न वेत्सि किम् ? । यन्निःशङ्कमिहायातो वह्नौ वातेरितैधवत् ॥८१।। प्रबोधं प्रविदन्नेषां बभाणैष महाशयः । वनदावानलाद् भीताऽध्वानं गङ्गाऽपि किं त्यजेत् ? ||८२।। अरे ! धृष्टोऽयमित्युक्त्वाऽथैष निन्ये नियन्त्रितः । उपसेनापतौ सर्वे परितस्तेऽवतस्थिरे ॥८३॥ ग्राह्यं नास्मात् किमप्यस्ति तद् दृश्यं कौतुकं क्षणम् । इति सेनापतिः स्माह नृत्तयेत्युन्नियन्त्र्य तम् ॥८४|| सोऽप्याह वादको नास्ति तेऽथासंस्तालकुट्टकाः । सोऽपि नर्तितुमारेभे अधुवेत्याद्यमुच्चरन् ॥८५।। नृत्यंस्तारस्वरं गायत्युच्चैर्बुवकमद्भुतम् । तदन्तरे बहून् श्लोकान् वैराग्योद्भेदकान् पठन् ।।८६।। केचित् प्रीता द्वितीयेन केचिदन्येऽपरैरपि । श्लोकैस्ते प्रत्यबुध्यन्त चौराश्च प्राव्रजन् समे ॥८७।। तत्पञ्चशतचौरर्षियुक्तः कपिलकेवली । विजढे तन्निगीर्णाऽदोऽध्ययनार्थः प्रपञ्च्यते ।।८८।।
Jain Education International 2010_02
For Private & Personal Use Only
www.jainelibrary.org
