________________
२७४
उत्तरज्झयणाणि-१ विटौधैर्भुज्यमानायां यदस्यामपि योषिति । दोषज्ञोऽप्यभवं विप्रः किङ्कर्यामपि किङ्करः ॥६३।। अहो ! मे बलवत् कर्म यत् सुधार्थ्यहमम्बुधिम् । प्राप्तोऽप्यभाग्यतः कालकूटस्यैवास्मि भाजनम् ॥६४॥ गुरूणां गौरवं कीर्तिहीवैराग्यमकार्यभीः । तावद् यावन्नरो नार्या नात्यन्तमनुरागभाक् ॥६५॥ असौ श्लाघ्यश्च सत्कर्मा शिवमार्गस्थितोऽप्यसौ । सात्त्विकोऽसौ न यो नार्यां रागवान् स्यात् कथञ्चन ॥६६।। एकं तावदकृत्यं तद् दास्यां यन्मे भुजङ्गता । अकृत्यमपरं त्वेतल्लोभाब्धौ यन्निमग्नवान् ॥६७।। पर्वतप्रायहेमादिप्राप्तावपि न लोभिनः । सन्तोषसुखलेशोऽपि दुष्पूरस्य समुद्रवत् ॥ ६८॥ तदलं काञ्चनौघेन विषयैरप्यलं मम । प्रतिबन्धो न मे युक्तः प्राप्ते वस्तुन्यनेकशः" ॥६९।। इत्यादि भावयन् जाति स्मृत्वाऽबुध्यत स स्वयम् । कृतलोचः साधुलिङ्गं देवतादत्तमग्रहीत् ॥७०।। उपराजमथायातं नृपोऽवक किमचिन्तयः ? । विस्तारं स्वतृषः सोऽपि कथयित्वेदमभ्यधात् ।।७१।। "जहा लाहो तहा लोहो लाहा लोहो पवड्डए । दोमासकणयं कज्जं कोडीए वि न निट्ठियं" ॥७२॥ भूपो बभाण सन्तुष्टः स्वाधीनाः कोटयोऽपि मे । ता यथेच्छमुपादाय भुक्ष्व भोगान् मनीषितान् ॥७३।। कपिलः प्राह पर्याप्तं स्वेनासन्तोषहेतुना । सन्तोषसुखमादेयं त्यक्तसङ्गस्य मेऽधुना ।।७४।। राजन् ! विनश्वरं विश्वं विश्वमालोकयन्नपि ।
मोहनिद्रां विमुच्याशु किं न जागर्षि तत्त्वतः ? ॥७५।। १. यथा लाभस्तथा लोभो लाभाल्लोभः प्रवर्धते ।
द्विमाषकनकं कार्यं कोट्याऽपि न निष्ठितम् ।।
Jain Education International 2010_02
For Private & Personal Use Only
www.jainelibrary.org
