________________
२७२
एषोऽनुशासितोऽपीति दासीप्रीतिं न चामुचत् । मदीयं सात्म्यमेवेदं गुरुमुत्तरयन्निति ||३५|| इन्द्रदत्तोऽप्यदो वेद क्वचिद् रक्तोऽस्ति योषिति । नन्वयं नान्यथा भूयात् सचिन्ता जडतेदृशी ||३६|| विद्याऽर्थमागतो नार्यामन्वरज्यत मूढधीः । असावमृतपानार्थी विषभाण्डमुपाददे ||३७|| क्षीराब्धौ हि घटः क्षिप्तः स्वयोग्यं लभते जलम् । इत्युदासमनास्तस्मिन्निन्द्रदत्तोऽप्यवर्तत ॥३८॥
अन्यदा तत्र दासीनां सम्प्राप्ते महसि क्वचित् । चिक्रीडुः कानने दास्यः स्रगम्बरविभूषिताः ॥३९॥ तदानीं तत्प्रिया दध्नौ निर्दैवेनामुना कृतम् । मया प्रेमाधुनाऽसौ मे कुतो दाता स्त्रगादिकम् ? ॥४०॥ बहिर्वृत्त्या यदन्येऽपि मयोपचरिता विटाः । ममैतत्प्रणयाधिक्यात् पश्याहो ! तेऽप्युदासिरे || ४१॥
निर्धनेनागन्तुकेनाविचार्य प्रीतिरहिता । उपस्थिते क्वचित् कार्ये पश्चात्तापाय जायते ॥४२॥
उत्तरज्झयणाणि - १
इति चिन्तातुरां म्लानवदनां कपिलोऽथ ताम् । वीक्ष्य पप्रच्छ भद्रेऽद्य चिन्तया स्वीकृताऽसि किम् ? ||४३|| साऽऽह दासीमहः श्वोऽस्ति ताम्बूलमपि नास्ति मे । ही ! भविष्यति मे प्रातः सखीमध्ये विगोपनम् ॥४४॥ वक्त्रे ममानयाऽधृत्या कुतः स्याच्छविरुज्ज्वला ? । श्रुत्वेति तद्वचः सोऽपि तद्दुःखमुकुरोऽभवत् ॥४५॥ साश्रुनेत्रस्ततोऽभाणि तयाऽसौ माऽधृतिं कृथाः । अमन्दे सत्यपि स्नेहे नासद्दातुं क्षमो जनः ॥ ४६ ॥ परमाकर्णयोपायं श्रेष्ठ्यत्रास्ति धनावहः । यस्तं वर्धापयेत् पूर्वं प्रभातेऽनागते परे ॥ ४७|| माषकद्वितयं हैमं सोऽस्मै दत्ते महेच्छधीः । त्वं तथा कुरु मे तेन भावि वस्त्र - स्रगादिकम् ॥४८॥
Jain Education International 2010_02
For Private & Personal Use Only
www.jainelibrary.org
