________________
२५८
उत्तरज्झयणाणि-१ एतान् नकुलके क्षिप्त्वाऽचलत् सार्थेन केनचित् । काकिनीभिर्विभिद्यैकं रूपकं बुभुजे पथि ॥२॥ दिने दिने भुञ्जतोऽस्यावशिष्टैकाऽस्ति काकिनी । तां च व्यस्मारयत् क्वापि गच्छन् पथ्यस्मरच्च ताम् ।।३।। दध्यौ गृहमदूरस्थं सार्थेन किमयो मम ? | भेत्तव्यो रूपको मा भूदेकाहव्ययहेतवे ॥४॥ किमर्थं मुच्यते व्यर्थमात्मीयैकाऽपि काकिनी । इति ध्यात्वा नकुलकं क्वचित् स्थाने जुगोप सः ॥५॥ स्वयं पराङ्मुखो मुष्टिं बद्ध्वाऽधावत तत्कृते । न प्रापत् काकिनी तत्र हृतां केनापि गच्छता ॥६॥ दृष्टो नकुलकस्तत्र क्षिप्यमाणश्च केनचित् । अग्राहि चोभयभ्रष्टस्तमप्राप्याभवत् स तु ॥७॥ गृहं गतः शुशोचैवं मानुष्यसुखलम्पटः ।
पापानि तत्कृते कुर्वन् हारयेद् दिव्यसम्पदः ।।८।। इति काकिनीकथा ॥
तथा अपथ्यमहितमाम्रकमाम्रफलं भुक्त्वा राजा राज्यं तुरेवार्थे हारयेदेवात्राम्रदृष्टान्तस्तथाहि
नृपस्य कस्याप्यत्याम्राशनादासीद् विशूचिका । महारसादिकष्टेनाचिकित्सन् भिषजश्च तम् ॥१॥ अभाणि च नृपो वैद्यैस्त्वं खादिष्यसि तानि चेत् । दृढरोगभरोऽसाध्यस्तदा नूनं मरिष्यसि ॥२॥ तदभ्युपेत्य भूपालोऽप्याम्रप्रियतयाऽऽत्मनः । धीमानाम्रवनं सर्वं स्वेदेशादुदखानयत् ॥३॥ अन्यदाऽश्वारूढमन्त्रियुगारूह्य हयं नृपः । गन्तुं प्रववृते यावत् तावद् वेगेन वायुवत् ॥४॥ धावमानौ महाटव्यामायातां तौ हयौ क्षणात् । स्वयं श्रमेण स्थितयोस्तयोरुत्तेरतुश्च तौ ॥५॥
Jain Education International 2010_02
For Private & Personal Use Only
www.jainelibrary.org
