________________
२४३
षष्ठं क्षुल्लकनिम्रन्थीयमध्ययनम्
एवं भवं परिभ्रम्य प्रत्युताऽऽप्य पराभवम् । ववलेऽभिगृहं भूयो ग्रामे कुत्राप्युवास च ॥४॥ रात्रौ देवकुले क्वाप्यप्रमीलश्चिन्तयैक्ष्यत । निर्गच्छन्तं ततो रम्यं चित्रकुम्भकरं नरम् ।।५।। प्रदेशे पावने सोऽपि चित्रकुम्भमपूजयत् । श्रीखण्डपुष्पभोगाद्यैः प्राञ्जलिश्चाभणत् पुरः ॥६॥ कुरुष्व लघु तत् सौधं यत्र तिष्ठाम्यहं सुखम् । तत्कालं तत्कृतं तेन नानाशालोपशोभितम् ।।७।। एवं स तेन स्नानान्नपानशय्यासनादिकम् । निःशेष कारयामास भोगसाधनमद्भुतम् ॥८॥ यूनीपीनस्तनीकान्ताः शर्वरीं सोऽखिलामपि । नानोपचारैर्बुभुजे स्वाधीनाखिलसम्पदः ॥९।। प्रातस्तदुपसंहृत्य स्कन्धे संस्थाप्य तं घटम् । यावत् सिद्धश्चचालेष तावत् ग्राम्यो व्यचिन्तयत् ॥१०॥ भ्रान्तेन बहुनाऽलं मे उपासे ह्येनमेव तत् । एतादृशघटप्राप्त्या येन स्यां भोगसेवधिः ॥११॥ ध्यात्वेत्यवालगत् सिद्धं विनीतोऽसौ निरन्तरम् । तुष्टश्च सोऽवदत् किं ते वद कर्ताऽहमीप्सितम् ॥१२॥ स प्राह मन्दभाग्योऽस्मि दौर्गत्येन कदर्थितः । भवच्छरणमायातः समभोगं विधेहि माम् ॥१३॥ 'सिद्धोऽध्यायद् वराकोऽयमलक्ष्मीपरिपीडितः । वात्सल्यार्होऽस्ति मे सन्तो यदाश्रितहितावहाः ॥१४॥ दयालुत्वमनौद्धत्यं दाक्षिण्यं प्रियभाषणम् । परोपकारकारित्वं मण्डनानि महात्मनाम् ॥१५॥ पुण्यतः प्राप्य सम्पत्तिं कार्योपकृतिरङ्गिनाम् । आत्मम्भरिः किमु श्लाघ्यः काकोऽप्युदरपूरकः" ॥१६॥ इति ध्यात्वा कृपार्दान्तःकरणः सिद्धपुङ्गवः । तमाह ते ददे विद्यामुत विद्याऽद्भुतं घटम् ॥१७॥
Jain Education International 2010_02
For Private & Personal Use Only
www.jainelibrary.org
