________________
२२२
उत्तरज्झयणाणि-१ ततश्च धनदत्तोऽन्यां कन्यां द्युम्नेन भूरिणा । वुवूर्षुस्तत्सगीनांश्च स्पष्टमेवमबीभणत् ॥१०॥ भो भोः ! शृणुत यद्येषा कन्या युष्माकमुच्चकैः । आत्मानं सर्वथा रक्षेत् तदा परिणये ह्यहम् ॥११॥ ततस्तैः प्रश्निता साऽवक् स्थास्येऽहं त्वात्मरक्षिका । ततस्तां स वणिग् वित्तव्ययेनैव व्यवाहयत् ।।१२।। सज्जीकृत्य पुनः सौधं सर्वकार्याण्यकारयत् । भृत्यादिभिर्गवादींश्चाऽऽनयद् विभवतः स तु ॥१३॥ तया सह स भुञ्जानः सुखं सांसारिकं सदा । तथैव शिक्षयित्वा तां वाणिज्यार्थं गतोऽन्यदा ॥१४॥ साऽपि कर्मकरादीनां भृति भुक्तिं यथोचिताम् । ददाना मधुरैर्वाक्यैस्तानुत्साहयतेतराम् ॥१५।। स्वगेहं च गवादींश्च सारयन्त्यप्रमादिनी । नाङ्गशुश्रूषिणी स्वां च रक्षन्ती तस्थुषी सदा ॥१६।। कियद्भिर्दिवसैरागात् स वणिक सधनो मुदा । स्ववेश्म परिवारं च यथामुक्तं व्यलोकयत् ॥१७॥ ततः स धनदत्तः श्राक् सन्तुष्टो दयितोपरि ।। तां चक्रे गृहसर्वस्वस्वामिनी गुणभाक्तया ॥१८॥ इति तद्वणिजो जायाऽऽद्या प्रमादादसातिनी । जाताऽन्या सर्वसम्पत्तिभाजिनी चाप्रमादतः ॥१९॥ एवं मुमुक्षुभिमक्षु मोक्षसौख्यं बुभुक्षुभिः ।
प्रमादत्यागयत्नेन यतितव्यं व्रतेऽनिशम् ॥२०॥ ॥१०॥ अथ प्रमादमूलरागद्वेषपरिहारमाहमुहं मुहं मोहगुणे जयंतं अणेगरूवा समणं चरंतं । फासा फुसंती असमंजसं च न तेसु भिक्खू मणसा पउस्से ॥११॥
व्याख्या-मुहुर्मुहुर्वारंवारं मोहयति जानानमपि जीवमाकुलयति मोहस्तस्य गुणा मोहगुणास्तदुपकारिणः शब्दादयस्तान् जयन्तमविच्छेदतस्तज्जयप्रवृत्तम् । अनेकरूपा
Jain Education International 2010_02
For Private & Personal Use Only
www.jainelibrary.org
