________________
चतुर्थमसंस्कृताख्यमध्ययनम्
२२१ गतो द्विजगृहं साऽथालङ्कारानुद्यता करात् । अपनेतुमनभ्यासाद् वपुःपौष्ट्याच्च नाशकत् ॥४॥ एवमन्योऽपि यः पूर्वं परिकर्म करोति न ।
पश्चात् कर्तुं स शक्नोति किं विवेकचिकीरपि ? ॥६॥ यत एवं तस्मात् समिति सम्यक् उत्थायेति च पश्चाच्छन्दो निरोत्स्याम इत्यालस्यत्यागेनोद्यमं कृत्वा तथा प्रहाय प्रकर्षेण हित्वा त्यक्त्वा कामान् इच्छामदनात्मकान् 'समिच्च'त्ति समेत्य सम्यग् ज्ञात्वा लोकं प्राणिवर्ग कया समतया समशत्रुमित्रतया । तथा च महर्षिः सन्नात्मानं रक्षति कुगतिगमनाद्यपायेभ्य इत्येवंशील आत्मरक्षी 'चरमप्पमत्तो'त्ति मोऽलाक्षणिकस्ततश्चराप्रमत्तश्चेति प्राग्वत् । इह प्रमादाप्रमादयोहिकोदाहरणं । तथाहि
अत्र हि जम्बद्वीपे द्वीपे क्षेत्रे च भारतेऽपाच्ये । श्रीपुरमस्ति श्रीमत्पुण्यजनं श्रीदपुरसदृशम् ॥१॥ तत्रास्ति धनदत्तः श्रेष्ठी धनदत्तदौःस्थ्यगलहस्तः । तस्य च जनी धनश्रीर्धनभोगाधीनधीरनिशम् ॥२॥ सोऽन्येद्युरन्यदेशं धनार्जनार्थं यियासुरधिकसुधीः । शिक्षयति निजां जायां वेश्मसमारचनमाचर्यम् ॥३॥ कर्मकरा भृत्या अपि सन्तोष्या वचनभुक्तिपानाद्यैः । गोवृषमहिष्यजाद्याः पशवः सार्यास्तृणाद्यैश्च ॥४॥ युग्मम् एवमुक्त्वा प्रतस्थे स तज्जाया तदिनादितः । स्नानाङ्गरागभूषादिस्वाङ्गशुश्रूषणाऽऽकुला ॥५।। नियुञ्जयति नो कर्मकरांश्च स्वस्वकर्मणि । न तेषां भोजनं दत्ते काले ते तु गताः क्वचित् ॥६॥ विस्मार्य पतिशिक्षां सा सीदत्कार्याण्युपेक्ष्य च । तस्थौ निजवपु:सौख्यं कुर्वाणाऽनन्यकृत्यकृत् ॥७॥ कियत्यपि गते काले ततः स वणिगागमत् । शीर्णं स्वपशुभृत्यादित्यक्तं स्वगृहमैक्षत ॥८॥ कान्तां शुश्रूषितस्वाङ्गीमात्मरक्षाप्रमद्वराम् । दृष्ट्वा रुष्टः स निर्भर्व्य स्वगेहान्निरवासयत् ॥९॥
Jain Education International 2010_02
For Private & Personal Use Only
www.jainelibrary.org
