________________
२१८
उत्तरज्झयणाणि-१ अथान्यदा समाकार्य मण्डिकं भूधवोऽभ्यधात् । आर्य ! द्रव्येण मेऽस्त्यर्थः सम्पादयत तत्ततः ॥३५।। बहुद्रव्यमदात् सोऽपि नृपान्मर्त्तव्यमन्यथा । अथितः पुनरन्येधुस्तत् तावत् पुनरप्यदात् ॥३६॥ भृशं सत्कार्य संमान्य सकलं द्रव्यमग्रहीत् । कृतेऽस्मिन् हृतसर्वस्वे राज्ञी नृपमवोचत ॥३७।। स्वामिन्नस्याददे सर्वं द्रव्यमेषोऽथ मुच्यताम् । मद्भ्राता त्वत्प्रसादेन तिष्ठत्वत्र यथेप्सितम् ॥३८॥ रिक्तोऽनर्थकृदेषोऽभूदिति निश्चित्य भूपतिः । भ्राता न मुच्यते चौरः शालकस्य तु का कथा ? ॥३९॥ न्यायपक्षा हि राजानः सर्वलोकहितैषिणः । सहन्ते खलु नान्यायं दाक्षिण्येनापि हि क्वचित् ॥४०॥ इति सम्बोध्य दयितामाकार्याखिलनागरान् । यथाऽभिज्ञानमृक्थादि प्रादात् तेभ्योऽथ भूधवः ॥४१॥ द्रुतमारोपयामास शूलायां मण्डिकं ततः । ध्रुवं कृतस्य पापस्य परिणामे विरूपता ॥४२॥ राज्ञा चौरो यथाऽधारि यावल्लाभमकार्यकृत् ।
धार्यमानिर्जरालाभं तथा वापि साधुना ॥४३।। इति मण्डिकचौरकथा ॥७॥ यदुक्तं जीवितं बृंहयित्वा मलापध्वंसी स्यादिति तत् किं स्वातन्त्र्यत एवोतान्यथे
त्याह
छंदं निरोहेण उवेइ मोक्खं आसे जहा सिक्खियवम्मधारी । पुव्वाइं वासाइं चरप्पमत्तो तम्हा मुणी खिप्पमुवेइ मुक्खं ॥८॥
व्याख्या-छन्दो निरोधेन छन्दः स्वाभिप्रायस्तन्निषेधेनोपैति मोक्षं गुरुपारतन्त्र्ये हि कृत्येषु प्रवर्त्तमानो न कर्मबन्धभाक् स्यात् किन्तु निर्जरावानेव तस्यैव सम्यग्ज्ञानादिहेतुत्वात् । उक्तञ्च
Jain Education International 2010_02
For Private & Personal Use Only
www.jainelibrary.org
