________________
२१७
चतुर्थमसंस्कृताख्यमध्ययनम्
मद्भात्रा हि पुराऽऽनीता: केऽपि कार्पटिकादयः । निर्माथा इह विध्वस्ता वराकास्तेऽखिला अपि ॥२१॥ अयं तु कश्चिदम्भोधिमेखलापृथिवीपतिः । कथञ्चिदिह सम्प्राप्तो लक्षणैर्बुबुधे ह्ययम् ॥२२॥ मारयित्वैनमखिलकाश्यपीतलजीवनम् । किमात्मानं वृथा कुर्वेऽतिरौद्रनरकातिथि: ? ॥२३॥ ततस्तया पदेऽङ्गष्ठसञया ज्ञापितो नृपः । पलायस्व पलायस्व त्वरितं मारितोऽन्यथा ॥२४॥ दक्षस्तत् सोऽपि विज्ञाय द्रुतमाधात् पलायनम् । तयाऽपि तुमुलश्चक्रे हाहाऽसौ पथिकोऽनशत् ।।२५।। असिमाकृष्य तत्पृष्ठे दस्युर्लग्नो महानिशि । क्रमात् सन्निहितं ज्ञात्वा राजमार्ग नृपोऽश्रयत् ॥२६।। मृत्युञ्जयमहालिङ्गान्तरितोऽस्थाच्च चत्वरे । चौरोऽप्यागत्य कोपान्धः कङ्कलोहमहाऽसिना ॥२७॥ लिङ्ग क्षणाद् द्विधाकृत्य निवृत्तोऽसौ मलिम्लुचः । मया कार्पटिकोऽमारीत्यानन्दभरमेदुरः ॥२८॥ रात्रौ भूमिगृहे स्थित्वा प्रातर्गत्वान्तरापणे । चकार तन्तुवायत्वमहो ! कपटपाटवम् ॥२९॥ कृतकृत्यः सभाऽऽसीनो भटै पस्तमाह्वयत् । सोऽपि क्षुब्धः सभीर्दध्यौ निशि नूनं मृतो न सः ॥३०॥ नन्वासीत् स हि भूपालः किं कृत्यं मेऽथ पाप्मनः ? । इत्येष चिन्तयन्नेव स निन्ये तैरुपप्रभु ॥३१॥ अभ्युत्थाय नपोऽप्येनमासने द्राग न्यवीविशत् । बभाषेति प्रियालापैर्दुर्लक्ष्या हि नृपाशयाः ॥३२॥ यद्येतद् रोचते तुभ्यं मह्यं तद्देहि सोदरीम् । दत्ता तेन नृपोऽप्येनां महाभूत्या व्यवाहयत् ॥३३॥ मम प्राणितदा ह्येषा इति तस्यां धराधवः । परमप्रेमभागासीच्छिष्टानां चरितं ह्यदः ॥३४।।
Jain Education International 2010_02
For Private & Personal Use Only
www.jainelibrary.org
