________________
चतुर्थमसंस्कृताख्यमध्ययनम्
२१५
कुर्यादित्याह - लाभान्तरे पूर्वज्ञानाद्यर्थप्राप्तिविशेषे सति जीवितं प्राणधारणरूपं बृंहयित्वा - ऽपायरक्षणान्नपानादिभिर्वृद्धिं नीत्वा पश्चाल्लाभविशेषप्राप्त्यनन्तरं परिज्ञाय यथेदं नेदानीं जराव्याध्यादिभिस्तद्गुणार्जनक्षमम् । उक्तं हि—
"जरा जाव न पीडेड़ वाही जाव न वड्डूई ।
जाविंदिया न हायंति ताव धम्मं समायरे " ॥१॥
एवं ज्ञपरिज्ञया ज्ञात्वा प्रत्याख्यानपरिज्ञया प्रत्याख्याय भक्तं मलापध्वंसी कर्ममलविनाशी स्यादिति शेषः ।
ततो यावल्लाभं देहधारणमपि गुणायैवेति भावः । यदाह—
'सेव्वत्थ संजमं संजमाओ अप्पाणमेव रक्खिज्जा । मुच्चइ अइवायाओ पुणो विसोही न याविरई" ॥१॥ इह च मण्डिकचौरदृष्टान्तो यथा—
बेनातटे पुरे राज्ञि मूलदेवे प्रतापिनि । मण्डिकाख्यस्तन्तुवायः सर्वचौरशिरोमणिः ॥१॥ दिवा जनप्रत्ययार्थं दुष्टस्फोटोऽयमुत्थितः । इति प्रकाश्य सक्थ्येष पट्टं बध्वाऽविशत् पथि ॥२॥ लोकान् स्फोटप्रतीकारं पृच्छन्नथ सुनिःश्वसन् । उपजीवति शिल्पेन तन्तुवायोचितेन सः ॥३॥
व्रजन् दण्डावलम्बेन कथञ्चित् क्रमते शनैः । रात्रौ तु क्षात्रपातेन मुष्णाति सकलं पुरम् ॥४॥ तच्च द्रव्यं पुरासन्ने वनोद्देशे गिरेस्तटे । नयेद् भूमिगृहं भारवाहकेन स तस्करः ||५|| कन्याऽस्य भगिनी तत्र पादशौचच्छलेन तम् । आकृष्य पादयोर्मुग्धमन्धकूपे क्षिपेद् द्रुतम् ॥६॥
१. जरा यावन्न पीडयति व्याधिर्यावन्न वर्धते । यावदिन्द्रियाणि न हीयन्ते तावद् धर्म समाचरेत् ॥१॥ २. सर्वत्र संयमं संयमादात्मानमेव रक्षेत् । मुच्यतेऽतिपातात् पुनर्विशोधिर्न चाविरतिः ॥१॥
For Private & Personal Use Only
Jain Education International 2010_02
www.jainelibrary.org
