________________
२०६
उत्तरज्झयणाणि-१ तेषु पाशेषु प्रवृत्तास्तैः प्रवर्तिता वा नरा वैरं कर्म तेनानुबद्धाः सततमनुगता नरकमुपयान्ति गच्छन्ति । ते हि धनमुपाय॑ स्त्र्यादिष्वभिरममाणा नरकगतिभाज एव स्युरिति भावः । तस्मादिह वधाद्यपायहेतुत्वेन परत्र च नरकादिप्रापकत्वेनार्थोऽनर्थहेतुरेव चौरवत् ॥
एकस्मिन् नगरे चौरः प्रत्यूषं कोऽपि साहसी । क्षात्रं महेभ्यगेहेषु दत्त्वा भूरि स्वमग्रहीत् ॥१॥ स्वगृहस्यैकदेशे च कूपमुत्खन्य स स्वयम् । प्राक्षिपत् तत्र रिक्थौघं पुरे तं वेद कोऽपि न ॥२॥ दत्त्वा बहुधनं कन्याः स यथेच्छं व्यवाहयत् । अमारयत् प्रसूतास्ताः स पुत्राद् भेदशङ्कया ॥३॥ अन्यदा रूपसौन्दर्यादतिप्रेमालयां प्रियाम् । प्रसूतामपि नाहंसीत् पुत्रोऽभूदष्टवार्षिकः ॥४॥ ततो दध्यावतिस्नेहो भावी मेऽनर्थहेतवे ।। आभ्यां प्रकाशिते दम्भे क्व चौरस्य मम स्थितिः ? ॥५॥ तस्मादेनां विनाश्यैनं हनिष्यामि तनूद्भवम् । ध्यात्वेति कूपे साऽक्षेपि विधाय गलमोटनम् ।।६।। गृहान्निर्गत्य तत्कालं पूत्करोति स्म दारकः । अवक् च मिलिते लोके मार्यनेनाद्य मत्प्रसूः ॥७॥ तत् परम्परया श्रुत्वाऽग्राह्यसौ राजपूरुषैः । कूपोऽपि ददृशे द्रव्यस्वर्णास्थिपरिपूरितः ॥८॥ बद्ध्वोपभूधवं नीतस्तेनाप्यादाय तद्धनम् । अघान्यशरणो दीनः पीडयित्वा कुमृत्युना ॥९॥ एवमन्येऽपि हि द्रव्यं प्रधानमिति तत्कृते ।
प्रवर्त्तमानास्त्यक्त्वा तज्जायतेऽनर्थभाजनम् ॥१०॥२॥ तमेवार्थं द्रढयतितेणे जहा संधिमुहे गहीए सकम्मुणा किच्चइ पावकारी । एवं पया पिच्च इहं च लोए कडाण कम्माण न मोक्खु अत्थि ॥३॥ व्याख्या-स्तेनश्चौरो यथेति दृष्टान्ते सन्धिमुखे क्षात्रद्वारे गृहीतः स्वकर्मणा
Jain Education International 2010_02
For Private & Personal Use Only
www.jainelibrary.org
