________________
उत्तरज्झयणाणि-१ माऽन्यजन्मनि देवत्वं प्राप्तस्य मम जायताम् । भोगानासेवमानस्य व्रतभङ्गसुदुर्द्धरः ॥७४॥ एवं शुभपरीणामादायुष्कावधि कुर्वतः । प्रत्याख्यानं कुतो भूयादाशंसादोषदुष्टता ? |७५॥ न ध्रुवा मुक्तिरित्यस्य जानतस्तद्भवान्तरे ।
स्वाव्रतत्वं परिमाणरहितं तद् न युज्यते ॥७६।। उक्तञ्च
"जो पुणरव्वयभावं मुणमाणोवस्सभाविणं कुणइ । वयमपरिमाणमेवं पच्चक्खं सो मुसावाई" ॥७७॥ भाव एव भवेत् प्रत्याख्यानमन्यभवे यदि । स न स्याद् वचसा किं न परिमाणं विधीयते ? ॥ ७८॥ एवं प्रज्ञापितो युक्त्या न श्रद्धत्ते स किञ्चन । ततोऽन्यगच्छस्थबहुश्रुतैरुक्तः सयुक्तिकम् ॥७९।। स प्राह बालिशाः सर्वे यूयं जानीथ किं ननु ? । तादृगेवास्म्यहं वेत्ता जिनैर्यादृक् प्ररूपितम् ॥८०॥ सर्वविप्रतिपन्नं तं ज्ञात्वा सङ्घः समोऽपि हि । कायोत्सर्गमदाद् भक्तदेवताह्वानहेतवे ॥८१।। साऽप्युपागत्य सङ्घानुज्ञयाऽर्हन्तं विदेहगम् । पृष्ट्वाऽऽयात् पारितोत्सर्ग श्रीसद्धं चाभ्यधादिति ॥८२॥ सम्यग्वादी ध्रुवं सङ्घो मिथ्यावादी परः पुनः । इति मह्यं जिनेनोक्तं सप्तमो ह्येष निह्नवः ॥८३।। स्वल्पद्धिकेयं किं वेत्तीत्यनिर्मुक्तकदाग्रहम् । सङ्घो द्वादशसम्भोगबाह्यमेनं ततो व्यघात् ॥८४॥
१. यः पुनरवतभावं जानानोऽवश्यभाविनं करोति । । व्रतमपरिमाणमेवं प्रत्यक्षं स मृषावादी ।।
Jain Education International 2010_02
For Private & Personal Use Only
www.jainelibrary.org
