________________
१९१
तृतीयं चतुरङ्गीयाध्ययनम्
बहिरन्तःप्रचार्ये तत्तन्न निर्मोकसाम्यतः । युगपत् सर्वदेहेऽपि या पीडैवं च सा कथम् ? ॥६०॥ भवान्तरानुयायित्वं सञ्चारित्वान्न वायुवत् । वेदनाद्युपलम्भेनान्तरप्येतत् त्वचीव तत् ॥६१।। क्षीरनीराग्न्यय:पिण्डन्यायतो ह्यात्मना सह । तल्लोलीभावमापन्नं कर्मेति प्रतिपद्यताम् ॥६२।। अमुक्तिरित्थमिति चेत् स्वहेतोः कर्मबन्धवत् । कर्ममोक्षोऽपि किं न स्याद् ज्ञानचारित्रमुख्यतः ? ॥६३॥ नभसा कर्मणा चैव सहावस्थानमात्मनः । वियुज्यते न तत्राद्यं परं हेतोवियुज्यते ॥६४।। वढ्यौषध्यादिसामग्र्या काञ्चनोपलयोगवत् । वल्यय:पिण्डयोगोऽपि न किं दृष्टो विनश्वरः ? ॥६५॥ तीव्राशुभाध्यवसायात् कर्मबन्धो यथा मतः । विपक्षाध्यवसायेन तन्मोक्षोऽपि ध्रुवस्ततः ॥६६।। यदूचे परिमाणत्वं प्रत्याख्यानस्य तत्ततः ।। कथं कार्यं ममास्त्वेतद् यावच्छक्तीति चेत् शृणु ॥६७॥ शक्तिरेवेत्थमापन्ना परिमाणं तयाऽवधिः । कालोऽनुमीयते सूर्यगत्येह समयादिवत् ॥६८॥ त्यागस्तथा च पक्षस्याशंसायास्तदवस्थता । जीवतोऽपि न भङ्गः स्याद् व्रतलोपेऽप्यशक्तितः ॥६९॥ नातिचारो न वा प्रायश्चित्ताद्यप्येवमुद्भवेत् । सर्वाप्यनागताद्धोक्तैवं चेदपरिमाणता ॥७०।। स्वर्गेऽप्सर:परीरम्भं कुर्वतस्तद्भवान्तरे । असम्पूर्णप्रतिज्ञत्वाद् भवेद् भग्नव्रतो मुनिः ॥७१।। सर्वतदद्धासंवरधारितया भवति संयतः सिद्धः । नोसंयतस्तु सूत्रे भणितोऽसौ तद्विरुद्धं स्यात् ।।७२।। अद्धाया अपरिच्छेदो भवेदपरिमाणता । कियत्कालं प्रतीक्ष्यासौ तदा भुङ्क्तां मनोमतम् ॥७३॥
Jain Education International 2010_02
For Private & Personal Use Only
www.jainelibrary.org
